बाजुराकाे मार्तडीमा आजबाट खुला ब्याड्मिन्टन प्रतियोगिता संचालन

बाजुरा – बाजुराको सदरमुकाम मार्तडीमा खुला ब्याडमिन्टन प्रतियोगिता संचालन गरिएको छ । जेवि मिडिया प्रालिको सातौं वार्षिकोत्सबको अवसरमा उक्त प्रतियोगिता आजबाट मार्तडीमा संचालन गरिएको हो ।प्रतियोगिताको एक औपचारिक कार्यक्रमका विच निवर्तमान माननीय लालबहादुर थापाले उद्घाटन गरेका छन् ।उद्घाटनमा बोल्दै निवर्तमान माननीय थापाले स्वास्थ्यका लागि खेलकुद अनिवार्य भएकोले खेलमा सहभागी टिमलाई धन्यवाद दिएका छन् ।
स्वास्थ्यका लागि खेलकुद, राष्ट्रका लागि खेलकुद भन्ने नाराका साथ उक्त प्रतियोगिताब संचालन भएको हो । २०७२ सालमा स्थापना भएको जेवि मिडियाले आम्दानीको १० प्रतिशत रकम सामाजिक सेवामा खर्च गर्दै आएको छ । जेवि मिडियाले जिल्लाको खेल क्षेत्रको विकासका लागि प्रत्येक वर्ष वार्षिकोत्सबको अवसरमा व्याडमिन्टन प्रतियोगिताको आयोजना गर्ने गरेको मिडियाका संचालक झरेन्द्र ओलीले बताएका छन् ।
जिल्लामा छपाई सम्बन्धि विगत ६ वर्षदेखि गुणस्तरीय काम गर्दै आएको जेविले सातौं वार्षिकोत्सबको अवसरमा आफ्नै मिडिया प्रालिको खेलमैदानमा ब्याडमिन्टन प्रतियोगिता आयोजना गरेको छ । जेवि मिडिया प्रालिका संचालक झरेन्द्र ओलीको अध्यक्षतामा सूरू गरिएको प्रतियोगितामा प्रमुख अतिथि निवर्तमान माननीय लालबहादुर थापा, विशिष्ट अतिथि, नेकपा एमाले प्रदेश कमिटी सचिवालय सदस्य गगन रावल र बडीमालिका नगरपालिकाकी उपप्रमुख  नन्दा थापा रहनुभएकाे थियाे भनेप्रतियोगिताको उद्घाटन कार्यक्रमको संचालन ब्याडमिन्टन खेलाडी गगन अयडीले गरेका थिए । कार्यक्रममा बडीमालिका ७ का अध्यक्ष धर्मराज पाध्याय, ८ का अध्यक्ष चन्द्रबहादुर थापा, गैरसरकारी संस्थाका अध्यक्ष कृष्ण अधिकारी लगायत सहभागी भएका थिए ।
प्रतियोगितामा २० टिम सहभागी छन् । प्रतियोगिता १० गतेसम्म संचालन गरिने छ । प्रतियोगिताको विजेतालाई २० हजार र उपविजेता टिमलाई १२ हजार बराबरको जिन्सि सामानसहित प्रमाणपत्र ट्रफि मेडल प्रदान गरिने छ ।