त्रिवेणी नगरसभाबाट सञ्जीव र चेतनको शोक प्रस्ताव पारित

बाजुरा – मंसिर ४ गते भएको प्रतिनिधी सभा र प्रदेश सभाको सदस्यको निर्वाचनका बेला ज्यान गुमाएका त्रिवेणी नगरपालिका–७ का सञ्जीव अयडी र चेतन अयडीको त्रिवेणी नगरपालिकाको १२ औं हिउँदे नगर सभाबाट शोक प्रस्ताव पारित गरेको नगर प्रवक्ता तथा वडा नम्बर ३ का वडाध्यक्ष मीन भण्डारीले जानकारी दिएका छन् ।
मतदानका क्रममा सोही नगरपालिका–७ को मतदान केन्द्रमा प्रहरीको गोली लागेर सञ्जीव अयडीको मृत्यु भएको थियो । सञ्जीवको मृत्युपछि उत्पन्न भएको परिस्थितिका कारणले ज्यान गुमाएका चेतन पनि उपचारका मृत्यु भएको थियो ।
नगरपालिकामा भएको घटनाका कारण ज्यान गुमाएका द्धय अयडीप्रति श्रद्दाञ्जली व्यक्त गर्दै असल नागरिक गुमाउनुले नगरपालिकाले ठुलो क्षती व्यहोर्नु परेको नगरपालिकाले जनाएको छ ।
नगरपालिकाका नगर प्रमुख कर्णबहादुर थापाको अध्यक्षतामा संचतालन भएको नगर सभामा उप प्रमुख कमला जैशी(न्यौपाने) ९ वटै वडाका वडाध्यक्ष,कार्यपालिका सदस्य र नगर सभाका सदस्य सहभागी रहेका छन् ।
नगर प्रमुख र उप प्रमुखले सभामा ल्ययाएका ऐन,कार्य विधी ,नियमावली र निर्देशिका माथि छलफल भइरहेको छ । नगर सभा शनिबारसम्म संचालन हुने नगरपालिकाका निमित्त प्रमुख प्रशासकीय अधिकृत तथा सभाका सदस्य सचिव चिरञ्जीवी शाहले बताएका छन् ।