आन्दोलनरत अवस्थामा रहेकाे एमालेले आयोगले गरेको निर्णय स्विकार गर्छ त ?

मिन बहादुर खड्का बाजुरा –  बाजुरामा पुनः मतदान नहुने भएको छ । निर्वाचन आयोगको आज बसेको बैठकले गणना सुचारू गर्न निर्देशन दिएको छ । निर्वाचन आयोगका अनुसार आजकाे बैठकले स्याङ्जा २ र बाजुरा गरी  दुवै ठाउँमा पठाइएको आयोगको स्थलगत टोलीको प्रतिवेदनको आधारमा गणना सुचारू गर्न निर्देशन दिइएको आयुक्त रामप्रसाद भण्डारीले जानकारी दिएका छन् ।आज मात्र निर्वाचन आयोगले मतगणना गर्न निर्देशन दिइसकेको छ । निरन्तर चेतन अयडीको हत्यारालाई पक्राउ गर्न, र बुथ कव्जा भएका मतदान केन्द्रमा पुन मतदानको माग गर्दै चरणबद्ध आन्दोलन गर्दै आएको नेकमपा एमाले आयोगले गरेको निर्णय एमाले बाजुराले पनि स्विकार गर्छ ववा गर्दैन भन्ने जिज्ञासा धेरै जसोको थियो ।

नेपाली कांग्रेस यतिकैमा मतगणना गर्नुपर्ने अडानमा थियो । यदि पुनः मतदान गर्नुपरेमा एमालले पनि ८ ठाँउमा बुथ कव्जा गरेकोले ति मतदान केन्द्रमा पनि मतदान हुनुपर्ने माग कांग्रेसको थियो । यता नेकपा एमालेले भने चेतनलाई कुटपिट गर्ने समुहलाई पक्राउ नगरेसम्म र वुथ कव्जा गरिएका १६ वटा मतदान केन्द्रमा पुनः मतदान गर्नुपर्ने अडान राख्दै आएको थियो । यति मात्र होइन आफुहरुको माग पुरा नभएसम्म निर्वाचनका कुनैपनि गतिबिधि अगाडी बढाउन नदिने बताउदै आएको थियो । चेतनलाई कुटपिट गर्नेहरुमा संग्लग्न २२ जना बिरुद्ध जिल्ला प्रहरी कार्यालय बाजुरामा किटानी जाहेरी दिएको भएतापनि हाल सम्म दुई जना बाहेक पक्राउ परेका छैनन् । यता निर्वाचन आयोगथले पनि एमाले बाजुराको माग बिपरित निर्णय गरेको छ ।

के छ त एमाले बाजुराको अवको तयारी ? 

निर्वाचन आयोगले गरेको निर्णयलाई एमाले बाजुराले स्विाकार गर्छ की गर्दैन ? बाजुरामा अव मतगणना हुन्छ त भनेर नेकपा एमाले जिल्ला कमिटी सचिव भरत थापालाई सोध्दा आयोगले गरेको निर्णय एमाले बाजुराले स्विकार गर्ने र मतगणना हुने बताएका छन् । तर केही सर्थहरु रहेको र ति सर्थहरु पुरा भएपछी मात्र मतगणना हुने पनि उनले बताए । अहिले आफुहरु आन्दोलनकै क्रममा रहेको हुँदा आज अपरान्ह चार बजेपछी बैठक बसेर यो बिषयमा ठोष निर्णय गर्ने सजिव थापाको भनाई छ । एमालले आयोगको निर्णयलाई स्विाकार गरेतापनि अव मतगणना पक्का हुन्छ भन्न सकिने अवस्था भने देखिदैन । थापाले बैठक बसिसकेपछी मात्र एमालले आफ्नो धारणा सार्वजनिक गर्ने बताएका छन् ।

सचिव थापाका अनुसार नेकपा एमाले बाजुराद्धारा बिद्यार्थी नेता अयडीका दोषीलाई कार्बाहीको माग गर्दै रिले अनसन सुरु गरिएको छ । अनेरास्ववियूका केन्द्रीय सदस्य चेतन अएडीको हत्याको बिषयलाई लिएर नेकपा एमाले बाजुराले रिले अनसन सुरु गरिएको हो ।
त्रिबेणी ७ को नाटेश्वरी आधारभुत बिद्यालयमा मतदानको बिबादलाई लिएर नेपाली काँग्रेसका कार्यक्रताहरुले चेतन अयडी घरमै गएर कुटपिट पछी उपचारका लामगी लिदै गर्दा बाटोमै निधन भएको थियो । दोसीलाई कार्बाहीको माग गर्दै सदरमुकाम मार्तडी स्थित खुला मंचमा बिहान देखि रिले अनसन बसेको बताइएको छ ।अयडी घर भित्र रहेको बेला घर भित्र बाट तानेर उनलाइ निर्घात कुटपिट पछी निधन भएको भएपनि दोसीलाई प्रकाउ नगरेको भन्दै रिलेअनसन सूर गरेको नेकपा एमाले बाजुराले जनाएको छ ।
नेपाली काँग्रेसले कब्जा गरेका मतदान केन्द्रको पुन मतदान, दोषीलाइ कार्बाहीको मग गर्दै आन्दोलन गरीएका निर्दोस युवाहरुलाइृ बिना सर्त रिहाइ गर्नुपर्ने लगायतका माग सहित रिले अनसन सुरु गरिएको हो ।

त्रिबेणी ७ मा ४ गते दिउँसो मतदानको समयमा नेपाली काँग्रेसका कार्यकर्ताले बुद कब्जा गर्न खोजेपछी सुरक्षाकर्मीले गोली चलाउदा एक जनाको घटना स्थलमै मृत्यु भए पश्चात बिबादले चर्को रुप लिएको थियो । सुरक्षाकर्मीको गोलि लागेर स्थानिय काँग्रेस कार्यकर्ता सञ्जिब अयडिको मृत्यु भएको थियो ।

यता जिल्ला निर्वाचन कार्यालय बाजुराले भने  आज नै सर्वदिलय बैठक बसेर मतगणाना बारे छलफल हुने जनाएकाे छ ।