गाउँपालिका अध्यक्षकै संलग्नतामा बाजुराका एक पत्रकार माथि हातपात

बाजुरा- जिल्लाको गौमुल गाउँपालिकामा समाचार संकलनका लागि गएका  एक जना पत्रकार माथी निर्घात कुटपिट भएको छ । जिल्लाको गौमुल गाउँपालिका वडा नम्बर १ अम्लिस बुथ केन्द्रमा सर्बदलिय बैठक बसिरहेको समयमा पत्रकार जनक बोहरा रिपोटिङ्गका लागि सो ठाँउमा गएका थिए । सोही गाउँपालिकाका अध्यक्ष हरि बहादुर रोकायाको संलग्नतामा नेकपा एमालेका कार्यकर्ताले हातपात संगै कुटपिट गरेका हुन् ।
पत्रकार बोहरालाई सार्वजनिक पद धारण गरेका गौमुल गाउँपालिकाका अध्यक्ष हरी बहादुर रोकाया संलग्न रहेको नेपाल प्रेस युनियन जिल्ला शाखा बाजुरा द्वारा जारी बिज्ञप्तीमा उल्लेख गरिएछ । अध्यक्ष रोकायाले नै गाउँपालिकाका विरुद्ध समाचार सम्प्रेषण गरेको भन्दै  कुटपिट गर्न निर्देशन दिएको पनि बिज्ञप्तीमा खुलाइएको छ । गाउँपालिका अध्यक्ष रोकाया दुई दुई पटक निर्वाचित गाउँपालिका अध्यक्ष हुन् । विकास निर्माणका काम गरेर चर्चा कमाएका रोकायले फेरी पनि चर्चा कमाउन खोजेको भन्दै उनको यो घटना पश्चात् आलोचना समेत भैरहेको छ ।
सार्वजनिक पद धारण गतेको व्यक्तिले एक जना पत्रकार माथि राजनीति प्रतिसोध लिएर यो घटना उहाँकै संलग्नतामा हुनु लज्जास्पद बिषय भएको भन्दै टिका टिप्पणी समेत भैरहेका छन् । एकै छिन काम छ भनेर गाउँपालिकाका अध्यक्ष रोकायाले विद्यालयको पछाडी बोलाएका थिए । सोही समयमा केही युवाहरुको जमाथ प्रयोग गरी पत्रकार बोहरालाई हातपात गरेको पिडित बोहराले बताएका छन ।
उनले भने गाउँपालिकाको गलत समाचार लेख्ने तँ नै होस न भनेर गाउँपालिकाका अध्यक्ष रोकायाले भन्दा केही युवाहरुले उनलाई पछाडीबाट हातपात गरेका हुँन । बुद केन्द्रमा भएको सर्वदलिय बैठकको समाचार संकलन गरि रहेका बोहरालाई बिनाकारण कुट पिट भएको घोर आपत्ति गर्दै नेपाल प्रेस युनियन जिल्ला साखा बाजुराले निन्दा गरेको छ ।

शुक्रबार दिउसो भएको घटनाको सत्यतथ्य छानविन गरी दोषीलाई कडा कार्वाहीको माग बिज्ञप्ती मार्फत गरिएको छ । पत्रकार जनक बोहरा हाम्रा कुरा डटकम र नेपाल प्रेस युनियन जिल्ला शाखा बाजुराका सदस्य समेत रहेका उनी माथि एक्कासी यसरी कुटपिट हुनु पुरै प्रेस स्वतन्त्रता माथि नै प्राहार भएको मानिन्छ । स्वतन्त्र रुपमा पत्रकारिता गर्ने पत्रकार माथि नै राजनितिक आवेगले सार्वजनिक पद धारण गरेका ब्यक्तिबाटै कुटपिटको योजना हुँनु आपत्तिजनक रहेको छ ।
नेपाल प्रेस युनियन जिल्ला साखा बाजुराका अध्यक्ष प्रेम रोलेद्धारा हस्ताक्षरित विज्ञप्तीमा उल्लेख गरिएको छ । निष्पक्ष रुपमा समाचार संकलन गर्न गएका पत्रकार माथी कुटपिटको प्रयास र हातपात हुनु सुरक्षा निकायको पनि कम्जोरी रहेकोले दोषीलाई कानुनी कार्वाहीको माग बिज्ञप्ती मार्फत गरिएको छ । यता हातपात गर्ने समुहले भने पत्रकारले एजेण्ड भएर आउन पाइदैन भन्दा केही विवाद भएको तर कुटपिट नभएको दावी गर्दै आएको छ ।