निर्वाचनको मुखैमा एमाले त्रिवेणीमा ठुलो धक्का नगर कमिटी उपाध्यक्ष एडी कांग्रेसमा प्रवेश

बाजुरा- त्रिवेणी नगरपालिका नगर कमिटी उपाध्यक्ष बिनोद एडी नेपाली कांग्रेसमा प्रवेश भएका छन् । यस अघि नेकपा एमालेमा रही नगर कमिटी उपाध्यक्षको जिम्मेवारी समेत समालिसकेका एडी निर्वाचनको मुखैमा पार्टी परित्याग गरी नेपाली कांग्रेस प्रवेश गरेका हुन् । नेपाली कांग्रेसले चालेको चुनावी घरदैलो अभियानका क्रममा उहाँले पार्टी परित्याग गरेर कांग्रेसमा सुमाहित हुनुभएको हो । लामो समय देखि नेकपा एमालेको संगठन निर्माण् पार्टी सदृढिकरणमा योगदान पुर्याएका नेता एडी कांग्रेस प्रवेश भएपछी नेकपा एमालेलाई निर्वाचनको मुखैमा ठुलो धक्का पग्ने देखिन्छ ।

नेपाली कांग्रेसको बिरासतका रुपमा रहेको सो नग्रपालिकामा यतिवेलमा एमाले परित्याग गरी कांग्रेसमा समाहित हुनेको जनलहर छाएको छ । उसो त निर्वाचनको पुर्वसन्ध्यामा एक राजनिति दलको नेता सहित कार्यकर्ताहरु अर्को दल प्रवेश गर्ने गरेको पाइन्छ । कांही कांग्रेस परित्याग गरी एमाले प्रवेश त कांही एमाले परित्याग गरि कांग्रेस प्रवेश गर्ने क्रम यतिवेला चलिरहेको छ । आसन्न मंसिर ४ गते हुने प्रतिनिधि सभा सदस्य र प्रदेश सभा सदस्यको निर्वाचन नजिकिए सँगै नेकपा एमाले परित्याग गरि नेपाली काँग्रेसमा प्रवेश गर्नेको जनलहर सुरु भएको छ । यसैबिच नेपाली काँग्रेसले सुरु गरेको चुनाव लक्षित घरदैलो अभियान कार्यक्रममा जिल्ल्लाको त्रिवेणी नगरपालिका–९ का गजेन्द्र थापा लगाएतका व्यक्तिहरुले नेकपा एमाले परित्याग गरि नेपाली काँग्रेसमा प्रवेश गरेको पनि नेपाली कांग्रेसको एक श्रोतले जानकारी दिएको छ । थापा लामो समय देखि नेकपा एमालेको सक्रिय कार्यकर्ता भएर काम गर्दै आएका थिए । नव प्रवेशी थापा र एडी लगाएतका व्यक्तिहरुलाई नेपाली काँग्रेसका केन्द्रीय सह महामन्त्री तथा आगामी मंसिर चार गते हुने प्रतिनिधि सभा सदस्य उमेदवार बद्री प्रशाद पाण्डेले फुलमाला सहित अविर लगाएर स्वागत गरेका छन ।

नेकपा एमालेले पटक पटक संसद बिगठन गरी संबिधान माथी नै ठाडो प्रहार गरेकोले नेपाली काँग्रेसले संविधानको रक्षा गरेको सावित भएको भन्दै बाजुरा जिल्लामा पनि नेकपा एमलेले केही गर्न नसक्ने भन्दै एमाले परित्याग गरेको नव प्रवेशीहरूको भनाई छ ।
नेपाली काँग्रेस बाजुराले घरदैलो अभियन कार्यक्रम सुरु गरेसँगै नेकपा एमाले परित्याग गरि नेपाली काँग्रेसमा प्रवेश गर्नेहरुको जनलहर बढेको हो । आइतवारबाट जिल्लाको बडिमालिका नगरपालिका ६ कोर्धबाट चुनावी घरदैलो अभियान सुरु गरि त्रिवेणी नगरपालिका पुगेको नेपाली काँग्रेस बाजुराले जनाएको छ । आज त्रिवेणी नगरपालिकाको वडा न. ७ का बिभिन्न ठाँउहरुमा घरदैलो अभियान सम्पन्न गरेको कांग्रेस नेताहरुले बताएका छन् । भोलि बिहानबाट सो नगरपालिकाको वडा न. ६ मा घरदैलो अभियान सुरु गर्ने पनि नेपाली कांग्रेसका एक नेताले जानकारी दिएका छन् ।

आसन्न मंसिर चार गते प्रतिनिधि सभा तथा प्रदेश सभाको निर्वाचन हुँदैछ । यतिबेला जिल्लास्थित सम्पुर्ण दलका नेताहरू आफ्नो चुनावी घरदैलो अभियानमै व्यस्त देखिन्छन् ।विभिन्न ठाउँमा चुनावी अन्तरक्रिया कार्यक्रम गोष्ठी ,आमसभा घरदैलो लगायतका कार्यक्रमहरु ठाउँठाउँमा संचालन भैरहेका छन् ।देशभर चुनावी प्रचार प्रसारलाई राजनीति दलहरूले तिब्रता दिएका छन् । उम्मेदवारहरु यतिबेला जनताको घरदैलोमा आफ्ना राजनीति एजेन्डा लिएर मत मागिरहेका छन् । कसरी मतदातालाई आफ्नो पक्षमा पार्ने र चुनाव कसरी जित्ने भन्ने चिन्ता र चासो नेताहरूमा छ ।