अव्यवस्थित बाम्का बजार, बसपार्क छैन खानेपानीको पनि समस्या

मिन बहादुर खड्का बाजुरा – जिल्लाको बुढिगंगा नगरपालिका वडा न । ६ बम्का बजार अव्यवस्थित रहेको पाइएको छ । गाडी पार्किङका लागी बसपार्क नहुदा उक्त बजार थप अव्यवस्थित देखिने गरेको छ ।

बजार व्यवस्थापन समितिले पटकपटक बसपार्कला लागी पहल गर्दा पनि बसपार्क निर्माण हुन सकेको छैन । यतिमात्र होइन सो बजारमा खानेपानीको समेत उचित व्यवस्था छैन । बजारका व्यापारीहरुले आफ्नो व्यक्तिगत लगानीले खानेपानी निर्माण गरेर पिउन बाध्य छन् । नेपाल विद्युत प्राधिकरणको लाइनहरु पनि अस्तव्यस्त छन् । अहिले सम्म विद्युत प्राधिकरणले पनि लाइनहरु व्यवस्थापनका लागी चासो देखाएको छैन ।

बजार व्यवस्थापन समितिका अनुसार सो बजारमा कुल १५० वटा पसलहरु छन् । करिव ३५० जना जनसंख्या छ ।बिचमा प्रमुख सडक साफे मार्तडी खण्ड छ । सडकको तल र माथि दुवै तिर पसलहरु छन् । उक्त बजारमा जिल्लाको बडिमालिका नगरपालिका, त्रीवेणी,बुढिगंगा र खप्तड छेडेदह गाउँपालिकाबाट उपभोक्ताहरु आउने गर्छन् । बडिमालिका नगरपालिमा वाहेकका यि तिन पालिकाहरुका लागी त यो प्रमुख बजारका रुपमा रहेको छ । दैनिक हजारौंको संख्यामा बजारमा मानिसहरू आवतजावत गर्ने गर्दछन् ।

तर बजार हेर्दै घिन लाग्दो देखिन्छ । जताततै यत्रतत्र छरिएका गाडीहरू , जताततै फोहरै फोहोरले सो बजार निकै दुर्गन्धित समेत देखिन्छ । अझ भन्ने हो भने बाहिरबाट सो बजारमा समान किनमेलका लागी आउने उपभोक्ताहरुका लागी स्वच्छ वातावरणमा छैन । सो बजारलाई जिल्लाकै अव्यवस्थित बजारका रुपमा आफुहरुले लिएको त्यहाँका व्यापारीहरु बताउन्छन् ।बजारलाई व्यवस्थित बनाउनका लागी बजार न त बजार व्यवस्थापन समितिले पनि चासो नदेखाएको र सम्बन्धित स्थानीय सरकारले पनि ध्यान नदिएको लामो समय देखी सोही बजारमा व्यापार व्यावसाय गर्दै आइरहेकी नवदुर्गा होटेल एण्ड लजकी प्रोपाइटर कमला नेउपानेले बताएकी छन् ।

उनका अनुसार बजारमा खाने पानीको पनि त्यत्तिकै समस्या छ । उनले भनिन् सामान राख्ने ठाउँ छैन । गाडी आवतजावत भैराख्छन बाल बच्चाहरु कतिवेला गाडीमा च्यापिन्छ्न र मर्छ्न भन्ने त्रास हुन्छ । अहिलेसम्म बजार व्यवस्थापन समितिले पनि केहि गर्न सकेको छैन ।जिल्लाका अन्य ठाउँका बजारहरुको तुलनामा बाम्का बजार अव्यवस्थित रहेको अर्का व्यापारी राम बहादुर अयडीले बताए । जिल्लाभरकै अव्यवस्थित बजारका रुपमा आफुहरुले लिने गरेको पनि उनको भनाई छ । उनले भने धेरै पटक बस पार्कका लागी पहल गर्यौ तर यो बजारलाई व्यव्स्थित गर्नका लागी र गाडी पार्किङको व्यवस्थाका लागी सरोकारवाला निकाय मौन बसेको उनको आरोप छ । यो बजार तिन वटै तहका सरकारबाट ओझेलमा रहेको पनि उनको भनाई छ ।

बिहान बेलुका ५र ७ वटा बसहरु संगै आउन्छ्न । जिवको संख्या पनि त्यत्तिकै हुन्छ । बिच बजारमा गाडीहरु जाम हुन्छन् । अर्को ठुलो समस्या भनेको विद्युतीय लाइन बजारबाट नजिकै छ । करिव एक हात टाढा मात्र छ । कुनै दिन धेरै हावा लागेर बजारमा तारहरु टक्रीयो भने कुन बेला बजार पुरै जल्छ थाहा छैन एक अर्का व्यापारी टोयानाथ नेपाउनेले भने । धेरै पटक नेपाल विद्युत प्राधिकरण बाजुरालाई भन्दा पनि चासो नदेखाएको उनले बताए । बजारलाई व्यवस्थित बनाउनका लागी गाडी पार्किङ र फोहोर व्यवस्थापन गर्नुपर्ने उनको भनाई छ ।सम्बन्धित स्थानीय सरकारले गाडी पार्किङको व्यवस्था र खानेपानीको व्यवस्था गरिदिए हुन्थ्यो भन्ने अपेक्षा व्यापारीहरुको रहेको भएतापनि त्यो अपेक्षा पुरा गर्न स्थानीय साकारले सकेको छैन । गाडी पार्किङका लागी उपयुक्त ठाउँ नहुदा बिच बजारमै गाडी पार्किङ गर्नुपर्ने बाध्यता रहेको गाडी चालकहरू बताउन्छन् ।

बजारलाई व्यवस्थित गर्नका लागी र गाडी पार्किङ गर्ने ठाँउका लागी धेरै पटक पहल गरेको तर त्यो सम्भव नभएको बजार व्यवस्थापन समितिका अध्यक्ष दिपक बहादुर साउदले बताएका छन् । बजारलाई व्यवस्थित गर्नका लागी हमिले धेरै पहल गर्यौ । गाडी पार्किङ गर्ने ठाँउ नै छैन । दुर्घटना हुने जोखिम पनि त्यत्तिकै छ । बालबच्चाहरु रोडमा निस्किन सक्ने अवस्था छैन । तर बजारलाई व्यवस्थित गर्नका लागी हामीले फेरिपनि पहल गरिरहेकै छौँ । फेरि पनि गर्छौं ।उनका अनुसार एक पटक प्रदेश सरकारबाट बसपार्कका लागी भनेर बजेट बिनियोजन गरिएको थियो । तर उक्त बस पार्क हाल सम्म अलपत्र छ । निर्माण कार्य सम्पन्न हुन सकेको छैन । जुन बजार बाट करिव १०० मिटर टाढा समेत रहेको छ । उक्त बसपार्क कति लागतमा निर्माण कार्य सुरु भएको भन्ने बजार व्यवस्थापन समितिलाई जानकारी नभएको पनि अध्यक्ष साउदले बताए ।

बाम्का बजारलाई मात्र नभई नगरपालिका भित्र रहेका सवै अव्यवस्थित बजारहरु व्यव्स्थित गर्नका लागी निर्देशिका नै बनाएर अगाडि बढिरहेको बुढिगंगा नगरपालिका वडा न । ६ का वडा अध्यक्ष ले बताए । नगरपालिकाले बजारहरुलाई व्यव्स्थित बनाउनका लागी बजार अनुगमन समेत थालेको उनको भनाई छ । जतिसक्दो छिटो बजार व्यवस्थित बनाउने नगरपालिकाको लक्ष रहेको उनले बताएका छन् ।