पाकिस्तान : इमरान खानको समर्थनमा अबेर राती सडकमा उत्रिए पिटिआइका कार्यकर्ता

चैत्र,२८- इमरान खानलाई प्रधानमन्त्री पदबाट हटाइएपछि उनका समर्थकले पाकिस्तानभरी सभा र्यालीको आयोजना गरिरहेका छन् ।

कराँची र लाहौरमा हज्जारौँको संख्यामा जुटेका समर्थकको भीडले राती झण्डा र मसाल देखाउँदै इमरान खानको समर्थनमा नाराबाजी गरे ।

यसअघि आइतबार इमरान खानको पार्टीका प्रवक्ता फवाद चौधरीले बेलुकाको नमाजपछि प्रदर्शन गर्न अपिल गरेका थिए ।

इमरान खानका प्रतिद्वन्द्वी शाहबाज शरिफ सोमबार पाकिस्तानका अर्का प्रधानमन्त्री बन्नु लगभग निश्चित मानिएको छ । शनिबार अबेर राती भएको अविश्वासको प्रस्तावको मतदानमा इमरान खान हारेका थिए, त्यसपछि उनको सरकार ढलेको थियो ।

विपक्षी गठबन्धनले इमरान खानलाई देशको अर्थतन्त्र ध्वस्त पार्नका लागि जिम्मेवार बताउँदै आएको छ तर खानका अनुसार उनलाई अपदस्थ गर्नका लागि अमेरिकाको षड्यन्त्र जिम्मेवार छ ।

यो समाचार आजको रातोपाटिमा छ ।