मार्तडी र काेल्टीमा सस्तो दरमा चामल विक्रि गरिदै

बाजुरा १९ असोज:- दशैँतिहार नजिकिएसँगै खाद्य व्यवस्था तथा व्यापार कम्पनिले सर्वसाधारण उपभोक्तालाई सहुलियत दरमा चामल बिक्री गर्न थालेको छ ।खाद्य व्यवस्था तथा व्यापार कम्पनीले आजबाट मार्तडी र कोल्टी डिपोबाट सर्वसाधारण उपभोक्तालाई सहुलियत दरमा चामल विक्री गर्न थालेको हो ।

दशैं तिहारलाई लक्षित गर्दै कम्पनिले सर्वसाधारण उपभोक्तालाई प्रति केजि ४० का दरले मंगलबारबाट चामल विक्री वितरण गर्न लागेको शाखा प्रमुख मेघराज ओझाले बताएका छन् । सामान्यतया अरू समयमा कम्पनिले यस चामललाई १३ सय ५० मा बिक्री गर्दै आएको थियो ।

सदरमुकाम मार्तडी र कोल्टीमा रहेको खाद्यन्न गोदामबाट अरुवा मोटा चामल बजारको मुल्य भन्दा सस्तो दरमा बिक्री गर्न थालेको शाखा प्रमुख ओझाले  खप्तड मालिका न्युजलाई बताएका छन् ।

निषेधाज्ञाका बेला पनि सस्तोमा चामल बेचेको कम्पनिले दशैँतिहारलाई लक्षित गरी यहि असोज १९ गतेदेखि पुनः सस्तोमा चामल बेच्न थालेको छ । दशै तिहारलाई लक्षित गरी खाद्यन्न व्यापार कम्पनिले सहलियत दरमा चामल विक्री गर्न थालेपछि सर्वसाधारण उपभोक्ता खुसी भएका छन् ।