धार्मिक आस्थाकाे धराेहर बडीमालिका जाने क्रममा: एक जनाकाे मृत्यु

बाजुरा: बाजुराकाे धार्मिक आस्थाकाे धराेहर भू-स्वर्ग बडीमालिका जाने क्रममा एक जना तिर्थयात्रीकाे मृत्यु भएको छ।भैरहवा स्थायी घर भएका हाल राष्ट्रिय सतर्कता केन्द्र काठमाडौंमा कार्यरत लेखा अधिकृत ५६ बर्षिय विश्वराज पन्थीकाे मृत्यु भएको हाे।

मृतक पन्थी सहित ३ जनाको टोली बडिमालिका दर्शनको लागी जाने क्रममा बडिमालिका नगरपालिका वडा नम्बर ८ स्थित खारेको जंगलमा पुग्दा पन्थी एक्कासी बेहोस भएका थिए।

बेहाेस भएका उनलाई साेही टाेलीले उद्धार गरी जिल्ला अस्पताल पुर्‍याए पनि डाक्टरले मृत्यु घोषणा गरेकाे जिल्ला प्रहरी कार्यालय बाजुराका प्रहरी निरिक्षक तथा सूचना अधिकारी नरेश बहादुर शाहीले बताए ।

उनले दिएकाे जानकारी अनुसार,मृतक पन्थीकाे शव अहिले जिल्ला अस्पताल मार्तडी राखिएकाे बताए।आज आफन्त पुगिसकेपछि लासकाे पाेस्टमार्टम गरेर जिम्मा लगाईने जानकारी दिए।

मृतक पन्थी संगै अर्घाखाँची छत्रदेव गाउँपालिका वडा नं. ७ घर भई राष्ट्रिय सतर्कता केन्द्र काठमाडौंमा कार्यरत लेखा समूह उप-सचिव ३४ बर्षिय शिवहरी न्यौपाने,शाखा अधिकृत बर्ष ३२ का जीवन घिमिरे र लेखापाल बर्ष ३५ का उमेश शर्मा बडीमालिका दर्शनकाे लागी हिडेका थिए।