बाजुरामा लहलहाउँदो गहुँबाली (तस्वीरसहित)

बाजुरा: बाजुराका खेतबारीमा गहुँबाली लहलहाउँदो अवस्थामा छ।यहाँ किसानले पछिल्लो समय पासाङ्लामु, डब्लु के बाह्र सय चौध, डाँफेमुनाल र स्वर्गद्धारी जातको गहुँ लगाउँने गरेका छन् ।

अधिकाशं किसान भने उही पुरानो स्थानीय जातको नै गहुँ लगाउने गरेका छन्।पछिल्लो समय यहाँका किसानले उन्नत जातको गहुँको बीउको प्रयोग गर्नाले बाजुरामा गहुँ उत्पादनमा वृद्धि हुँदै गएकाे छ।

याे बर्ष अत्याधिक असिना पानी पर्दा गहुँ बालीमा असर परेकाे छ। गहुँ उत्पादनमा गिरावट आउँने अनुमान समेत गरिएको छ। बाजुरामा २ लाख ३० हजार ३७ हेक्टर जमिन भए पनि यसमध्ये २२ हजार हेक्टर खेतीयाेग्य जमिन छ ।

पाँच हजार २ सय ३५ हेक्टर जमिन मात्र वर्षभरिमा सिचाँइ हुने गरेको छ ।बाजुरामा १० हजार ४६० हेक्टरमा क्षेत्रफलमा गहुँ खेती गरिन्छ। भने सो जमिनबाट १७ हजार ७८२ मेट्रिक टन गहुँ उत्पादन हुने गरेको कृषि ज्ञान केन्द्र बाजुराले जनाएको छ ।तस्वीर: गाेविन्द्र राज तिमिल्सेना/अमर कठायत