बाजुराकाे हिमालीमा कृषकलाई आधुनिक मिल वितरण

बाजुरा: बाजुराकाे दुर्गम हिमाली गाउँपालिकामा कृषकलाई आधुनिक मिल वितरण गरिएकाे छ। रिरास परियोजना मार्फत उक्त मिल वितरण गरिएका हुन् ।

हिमाली गाउँपालिका वडा नं. ४,५,६ र ७ अगुवा कृषकहरुलाई विद्युतिय पल्टिक्रस प्रेसर, कम्बाइन राइस मिल र विद्युतिय घट्ट मेसिन कृषकलाई हस्तान्तरण गरिएकाे गाउँपालिकाले जनाएको छ।

मिल वितरणले कृषकहरुलाई राहत मिल्ने रिरास परियोजना कृषि प्राविधिक खेम ओलीले बताए । कृषकलाई गाउँ घरमा घण्टौ समय लागेर धान, गहुँ, मकै र कोदो पिस्न सजिलो हुने भएको हाे ।

बिगत लामो समयदेखि कुटानीपिसानी विभिन्न समस्या झेल्दै आइरहेका कृषकलाई आधुनिक मिल पाएपछि सहज हुने गाउँपालिका अध्यक्ष गाेविन्द्र बहादुर मल्लले बताए ।

संस्थाले आधुनिक मिल दिएपछि गहुँ, कोदोको पिठो बनाउन गाउँबाट घण्टौ पैदल यात्रा गरेर घट्ट पिस्न जानुपर्ने बाध्यताकाे अन्त्य हुने विश्वास लगिएकाे उनले बताए ।

आधुनिक वितरण कार्यक्रममा हिमाली गाउँपालिका प्रवक्ता भिमानन्द पाण्डे वडा नम्बर ५ का वडा अध्यक्ष प्रदिप बुढथापा, हिमाली गाउँपालिका कृषि विकास शाखा विज्ञ लोकेश कुमार शाही सहित कृषकहरुको उपस्थितमा उक्त मिल वितरण गरिएको हाे।