कछुवा गतिमा बाउली खाेला पक्की पुल: पाँच बर्षसम्मकाे भाैतिक प्रगति २१ प्रतिशत

बाजुरा: बाजुराको मार्तडी-काेल्टी सडकखण्ड अन्तर्गत बाउली खोलामा निर्माणाधीन पक्की पुल पाँच वर्षदेखि अलपत्र अवस्थामा छ । ठेकेदारको चरम लापर्बाहीका कारण उक्त पुल करिब पाँच वर्षदेखि अलपत्र परेको हो।

१६ महिनाभित्र सम्पन्न गरिसक्नु पर्ने पक्की पुल अहिलेसम्म निर्माण सम्पन्न नहुँदा वर्षेनी समस्या हुने गरेको छ ।सुदुरपश्चिमको गौरवको आयोजनाको रुपमा रहेको मार्तडी-कोल्टी सडकखण्डको बाउलीमा पर्ने उक्त पुलकाे भाैतिक प्रगति अहिलेसम्म २१ प्रतिशत मात्रै हुन सकेकाे छ।

पुल निर्माणका लागि एकातर्फ सरिया हालेर थाेरै ढलान गरिएको छ।भने बाँकी काम अलपत्र छ।आरसिसि ब्रिज निर्माण सम्झौता भएको पाँच वर्षसम्मकाे भाैतिक प्रगती लाजमर्दो छ। टिडि आर जुगल कौसिक जेभिले पुल निमार्णको जिम्मा लिएको थियो ।

२०७९ फागुन १५ भित्र मोटरेबल पुल निर्माण सक्नेगरी २०७८ कार्तिक १५ गते टिडिआर जुगल कौशिक जेभीले ५ करोड ५८ लाख ८८ हजार २ सय ७० रुपैयाँमा सम्झौता गरेर निमार्णको जिम्मा लिएको थियो ।तर निमार्णको जिम्मा लिएको करिब पाँच वर्ष बितिसक्दा पनि निमार्ण कार्य कछुवा तालमा छ।

पटकपटक म्याद थप गर्दा पनि पुल निर्माण कार्यले गति लिएकाे छैन्।हालसम्म ९० लाख ५६ हजारभन्दा बढी रकम भुक्तानी भइसकेको सडक डिभिजन कार्यालय अछामले जनाएको छ।जिल्ला प्रशासन कार्यालय बाजुराले अधुरा निर्माण कार्य शीघ्र सम्पन्न गराउन सम्बन्धित निकायसँग समन्वय भइरहेको जनाएको छ।

चाडाे सम्पन्न नगरे कार्वाहीकाे चेतावनी:

प्रशासन कार्यालय बाजुराले अलपत्र परेका याेजना चाडाे सम्पन्न गर्न ताकेता समेत गरेकाे छ। निर्माण कार्य अधुरा तथा अलपत्र याेजनाहरु समयमै सम्पन्न आग्रह गरिएको हाे। साथै बाउली खाेलामा निमार्णाधिन पूल अब समयमै सम्पन्न नगरे कार्वाहीकाे चेतावनी दिईएकाे छ।

निर्माण कार्यमा ढिलाई भए पछि प्रमुख जिल्ला अधिकारी डोरेन्द्र निरौला, जिल्ला समन्वय समिति बाजुराका प्रमुख तुलसीराम रोकाया सहितको टोलीले स्थलगत अनुगमन गर्दै निर्माण कम्पनीलाई समयमै काम सम्पन्न गर्न आग्रह गरेका छन्।

आगामी तीन महिनाभित्र उल्लेखनीय प्रगति नभए कानुनी कारबाही र कालोसूचीमा राख्ने चेतावनीसमेत दिइएको प्रमुख जिल्ला अधिकारी डोरेन्द्र निरौलाले जानकारी दिए।यसरी निर्माण कार्य अलपत्र हुँदा यहाँका नागरिकले बर्षेनी सास्ती खेप्नु परेकाे समेत बताएका हुन्।

उनले भने,‘ समयमै पूल सम्पन्न गर्न आग्रह गरेका छाैँ।फाेन मार्फत समेत आग्रह गरिएको छ।यदि समयमै सम्पन्न नगरेकाे खण्डमा कानुनी कार्वाही अघि बढाईनेछ।कानुनी कार्वाही र कालाेसूचीमा राख्ने चेतावनी समेत दिएका छाै।’

पुलको निमार्ण कार्य समयमै सम्पन्न नहुँदा यहाँका स्थानीयलाई वर्षेनी समस्या हुने गरेकाे बडीमालिका नगरपालिका वडा नम्बर ७ का स्थानीय गणेश राज तिमिल्सेनाले गुनासाे गरे।

उनले भने,‘ समयमै पूल नबन्दा बाजुराका चारवटा स्थानीय तहका नागरिक, बडीमालिका–७ र छिमेकी जिल्ला हुम्ला, मुगु, कालिकोटका नागरिकलाई सास्ती हुने गरेकाे छ।’