भिर पाखामा राखिएका लाेपन्मुख माैरी घार (तस्वीर)

बाजुरा: बाजुराका भिरपाखामा माैरी पालन व्यवसायकाे लागी माैरी घार राख्ने गरिन्छ।बिशेषरी वनजंगल नजिक भिरपाखामा घार राख्दा माैरीलाई मह छिटाे बनाउन सजिलाे हुने गर्छ।यस्ता घारलाई स्थानीय भाषामा (घाडा) समेत भन्ने गरिन्छ।

यस्ता प्रकारका घाडा बाजुरामा पछिल्लो समय लाेपन्मुख अवस्थामा पुगेका छन्। पहिलेकाे तुलनामा अहिले माैरी पालन व्यवसायमा समेत कमी आएकाे छ। त्यसैमा आधूनिक घार प्रयाेग गर्न थालिए संग यस्ता घार हराउँदै गएका हुन्।

यहाँका ९ वटै स्थानीय तहका विभिन्न गाउँ-ठाउँका भिरपाखामा माैरी घार राखेर व्यवसाय गरिदैँ आएकाे छ।परम्परागत शैलीबाट निमार्ण गरि मौरी पालनमा सहयाेग पुर्याउने यी घार पछिल्लो समय विरलै देख्न पाइन्छ ।

चिसो माैसम तथा ठाउँमा माैरीले राम्रो मह उत्पादन गर्ने हुँदा घार यसरी भिरपाखामा सजाईन्छ।भाैगाेलिक रुपमा विकट तथा पाखाे क्षेत्र जहाँ विभिन्न वनस्पति र फूलहरु हुने गर्छन् त्यहाँ मौरी पालन व्यवसाय गर्नु एक उत्तम विकल्प हाे।

तर,पछिल्लो समय आधुनिकपनले माैरी घार हराउँदै गएका छन्। टिनका आधुनिक घार प्रयाेग गर्न थालिए पछि यस्ता घार हराउँदै गएका हुन्। यसले गर्दा परम्परागत माैरी घारकाे संरक्षणमा चुनाैती समेत थपिएको छ।

तस्वीरहरु……

भिरपाखामा राखिएका लाेपन्मुख माैरी घार,तस्वीर: गाेविन्द्र राज तिमिल्सेना