प्रजिअ निराैलाद्वारा अशक्त नागरिकलाई बसाेबास स्थलमै पुगेर नागरिकताको प्रतिलिपी हस्तान्तरण

बाजुरा: बाजुराका प्रमुख जिल्ला अधिकारी डाेरेन्द्र निराैलाले अशक्त नागरिकलाई घरमै पुगेर नागरिकताको प्रतिलिपी हस्तान्तरण गरेका छन्। बाजुराकाे बुढीनन्दा नगरपालिका–६ कोटिलाका ३३ वर्षीय खगिन्द्र भाटलाई प्रजिअ निराैलाले नागरिकताको प्रतिलिपी हस्तान्तरण गरेका हुन्।

धनगढीमा बसोबास गर्दै आएका भाटलाई उनकै बसाेबास स्थलमा पुगेर नागरिकताकाे प्रतिलिपि दिईएकाे हाे। रेल दुर्घटनामा दुबै खुट्टा गुमाएका भाट बाजुरामा हिड्डुल गर्न समस्या भएपछि धनगढीमा बस्दै आएका छन्। भाट सन २०१८ मा भारतको मुम्बईस्थित बेलापुरमा काम गर्न जाने क्रममा भएको रेल दुर्घटनामा परेर दुवै खुट्ट गुमाएर अशक्त भएका थिए ।

सोही दुर्घटनाका क्रममा उनको नागरिकता समेत हराएको थियो ।त्यसयता उनी अपांगताका साथसाथै नागरिकता नहुँदा विभिन्न राज्यबाट पाउने सेवा सुविधाबाट बञ्चित थिए।पुन:प्रतिलिपि समेत बनाउन उनलाई कठिनाई भएको थियाे। अशक्त नागरिककाे लागी घरमै पुगेर प्रतिलिपि प्रदान गरिएकाे प्रजिअ निराैलाले बताए ।

राज्यले प्रदान गर्ने सेवा-सुविधाबाट कुनै पनि नागरिक बञ्चित हुनु हुदैन् भन्ने मान्यताका साथ अशक्त नागरिककाे लागी घरमै पुगेर सेवा उपलब्ध गराईएकाे निराैलाकाे भनाई छ।खगिन्द्रका बुबा वडाको सिफारिसका साथ प्रशासन कार्यालयमा समेत पुगेका थिए।प्रशासन पुगेका उनले छाेराकाे अवस्थाबारे जानकारी गराएका थिए।

जानकारी पश्चात् प्रशासनले आवश्यक प्रक्रिया पूरा गरी सेवा प्रवाहलाई नागरिक मैत्री बनाउँदै उनकाे घरमै पुगेर प्रतिलिपी हस्तान्तरण गरेकाे हाे।प्रशासनकाे याे कदमले अन्य नागरिकमा समेत भराेसा थपिएको छ।बाजुराबाट करिक ३ सय किलाेमिटर टाढा धनगढीसम्म पुगेर प्रशासनले सेवा प्रदान गरपछि उक्त कामकाे प्रशंसा समेत गरिएको छ।