बाजुरा थप निर्वाचन अपडेट: कांग्रेसका गिरी एमालेका थापा भन्दा ४ सय ७० मतले अघि

बाजुरा: बाजुरामा नेपाली कांग्रेसका जनकराज गिरीकाे अग्रता कायमै रहेकाे छ। सुरुवाती देखि उच्च मतका साथ अघि रहेका गिरीलाई एमालेका लाल बहादुर थापाले पच्छ्याउँदै अघि बढेका छन्।

बाजुराकाे हिमाली,खप्तड छेडेदह ,स्वामिकार्तिक, बुढीगंगा र जगन्नाथकाे मतगणना सकिदा कांग्रेसका जनक राज गिरीले रुख चिन्हमा ८ हजार ६ सय ८७ मत प्राप्त गरेका छन्। उनका निकटतम प्रतिष्प्रर्धी एमालेका लाल बहादुर थापाले ८ हजार २ सय १७ मत पाएका हुन्।

कांग्रेसका गिरी एमालेका थापा भन्दा ४ सय ७० मतले अग्र स्थानमा छ्न्। त्यस्तै राष्ट्रिय स्वतन्त्र पार्टीका हेमराज थापाले ३ हजार ४ सय ९५ मत प्राप्त गरेर तेस्रो स्थानमा छन्। नेकपाका प्रकाश बहादुर शाहले १ हजार ७ सय ७१ मत प्राप्त गरेका छन्।

त्यस्तै केशर शाहीले हलाे चिन्हमा १ सय ८७,दिपक डिसिले आँखामा ८६,भुपेन्द्र विक गुलाफमा १७४ र स्वतन्त्र उम्मेदवार उपेन्द्र शाहीले चराेमा ५९ मत पाएका छन्।

बाजुराका ८७ हजार ८६१ मतदातामध्ये ४६ हजार २ सय ३२ मत खसको हो ।एक निर्वाचन क्षेत्र रहेको जिल्लामा सात राजनीतिक दल र एक स्वतन्त्र गरी आठ उम्मेदवार रहेका छन् ।अब बडिमालिका,बुढिनन्दा,गाैमुल र त्रिबेणि नगरपालिकाका मत गणना गर्न बाँकी रहेका छन्।