प्रतिनिधिसभा निर्वाचन: बाजुरामा गिरीकाे अग्रता कायमै

बाजुरा:  बाजुरामा प्रतिनिधिसभा निर्वाचनअन्तर्गत दोस्रो चरणको मतगणना सार्वजनिक भएको छ। हिमाली गाउँ पालिकाकाे मतगणना सम्पन्न हुँदा कांग्रेस अग्र स्थानमा छ।

नेपाली काँग्रेसका जनक राज गिरीले रुख चिन्हमा १ हजार ८ सय ६९ मत प्राप्त गरेका छन्। त्यस्तै नेकपा एमालेका लाल बहादुर थापाले सुर्य चिन्हमा १ हजार १ सय १० मत ल्याएका छन्। नेपाली कम्युनिष्ट पार्टीका प्रकाश बहादुर शाहले तारा चिन्हमा १७८ मत प्राप्त गरेका छन्।

त्यस्तै राष्ट्रिय स्वतन्त्र पार्टी रास्वपाका हेमराज थापाले घन्टी चिन्हमा ३ सय १९ मत ल्याएका छन्। अहिलेसम्म कुल ३ हजार ६ सय १३ मतकाे गणना गरिएकाे छ।

अहिलेसम्मकाे आँकलन हेर्दा नेपाली कांग्रेसका जनक गिरी
अग्रस्थानमा रहेका छन्।उनका निकटतम प्रतिस्पर्धी नेकपा एमालेका लालबहादुर थापाले गिरीलाई पछ्याइरहेका छन्।गिरी ७ सय ५९ मतले एमालेका थापा भन्दा अघि छन्।

हिमाली गाउँपालिकाकाे मत गणना सकिएकाे हाे। अन्य पालिकाकाे भने मतगणना अझै जारी रहेको छ ।अब खप्तड छेडेदह गाउँपालिकाबाट मतगणना हुनेछ।हिमाली र छेडेदह कांग्रेसकाे पल्लाभारी हुने पालिका समेत हुन्।