मादक पदार्थ विक्री वितरण,ओसारपसार र सेवन नगर्न प्रशासन बाजुराकाे आग्रह

बाजुरा:जिल्ला प्रशासन कार्यालय बाजुराले निर्वाचनलाई स्वच्छ र भयरहित वातावरणमा सम्पन्न गर्न जिल्लामा मादक पदार्थ विक्री वितरण,ओसारपसार र सेवन नगर्न आग्रह गरेकाे छ।

‎निर्वाचनको सुरक्षा व्यवस्थालाई मध्यनजर गर्दै निर्वाचन जिल्ला निर्वाचन सुरक्षा समितिको बैठकले जिल्लामा निर्वाचनलाई स्वच्छ वातावरणमा सम्पन्न गर्न यस्तो आग्रह गरेकाे हाे।

फागुन १७ गते राती १२:०० बजेदेखि निर्वाचनको अन्तिम परिणाम घोषणा नभएसम्मको लागि जिल्लाभित्र मादक पदार्थ विक्री वितरण, ओसारपसार र सेवन नगर्न आग्रह गरिएको प्रशासन बाजुराले जनाएको छ।

सम्बद्ध सबै व्यवसायी वितरक एवम् आम सर्वसाधारणले प्रशासनले जारी गरेकाे सूचनालाई आधार मानि मादक पदार्थको विक्री वितरण, ओसारपसार र सेवन नगर्नु नगराउनु आग्रह गरिएको प्रमुख जिल्ला अधिकारी डाेरेन्द्र निराैलाले बताए ।

बाजुरामा निर्वाचनकाे सम्पूर्ण तयारीमा करिव अन्तिम चरणमा पुगिसकेकाे छ।मतपत्र निर्वाचन सामाग्री सहित विभिन्न मतदान स्थलमा कर्मचारी,सुरक्षाकर्मी र निर्वाचन प्रहरी गईसकेका छन्।

फागुन २१ गते हुने प्रतिनिधि सभा सदस्य निर्वाचनका लागि ७०६ जना कर्मचारी खटाईएको छ। सदरमुकाम मार्तडीमा एक अस्थायी मतदान केन्द्र ताेकिएकाे छ। अस्थायी मतदान स्थलमा ४ जना कर्मचारी खटाईने छ।बाजुरामा एक स्वतन्त्र सहित ७ राजनिती दलका व्यक्ति चुनावी मैदानमा छन्।