काँग्रेस बाजुराले सोमबार बिहान डुङ्गुरशैनमा कार्यकर्ता भेटघाट गर्ने

बाजुरा : काँग्रेस बाजुराले सोमबार बिहान डुङ्गुरशैनमा कार्यकर्ता भेटघाट तथा चियापान गर्ने भएको छ । आगामी फागुन २१ गते हुने नेपाली काँग्रेस बाट प्रतिनिधि सभा उम्मेदवार जनकराज गिरी सहितको टोलिले सोमबार बिहान बुढीगंगा नगरपालिका वडा नं १० को डुङ्गुरशैनमा कार्यकर्ता भेटघाट तथा चियापान कार्यक्रम गर्ने भएको युवा नेता योगेन्द्र रावलले जानकारी दिएका छन् ।

साथै काँग्रेस बाजुराले चुनावी प्रचार प्रसार तथा घरदैलो अभियान खप्तड छेडेदह गाउँपालिकाको वडा नं १ बाट सुरू गर्नेभएको छ । घर घरमा गएर जनताका जनभावना बुझ्ने, तथा गाउँघरका समस्या बुझ्नेगरी आफ्नो आधार इलाका खप्तड छेडेदह १ बाट चुनावी प्रचारप्रसार कार्यक्रम सुरू गर्ने भएको युवा नेता रावलले बताएका छन् ।

भेटघाट तथा चुनावी अभियान प्रतिनिधि सभा सदस्य उम्मेदवार जनकराज गिरी, पुर्व सहमहामन्त्री बद्री पाण्डे, पुर्व संविधान सभा सदस्य महा नेपाली, पुर्व सभापतिद्वय कविराज पण्डित, मान बहादुर रावल युवा नेता योगेन्द्र रावल लगायत काँग्रेस नेता कार्यकर्ताको सहभागीता रहेको छ ।