सुख्खा मौसमका कारण पछिल्लो समय बाजुरामा आगलागीका घटना बढ्दै

बाजुराः हिउँदे बर्षा र हिमपात नहुँदा सुख्खा मौसमका कारण बाजुरामा आगलागीका घटनाहरु बढ्दै गएका छन । यहाँका ९ वटै स्थानीय तहका अधिंकाश ठाउँमा आगलागीका घटनाहरु बढेका हुन् ।

समयमै पानी नपर्दा यहाँका घासेमेला,वन जंगलहरुमा आगलागीका घटना बढ्दै गएका छन् । बाजुराका अधिकांस ठाउँमा अहिले पनि घासेमेला र वनजंगलमा आगलागी भईरहेको छ ।आगलागीले वनजंगल सखाप हुनुका साथै वन्यजन्तुको वासस्थानमा समेत असर परेको छ ।

बिशेषगरी बढीजसो फागुन चैत्र महिनामा आगलागी हुने समय भए पनि अहिले मौषम सुख्खा रहेका कारण आगलागीका घटना बढेका हुन् । सुख्खा मौसममा आगलागी हुनुको मुख्य कारण हावाहुरी,उच्च तापक्रम र सुख्खा बनस्पति हो ।

मानिसको लापरवाहीका कारणले पनि आगलागीका घटना बढ्दै गएका छन् । वनजंगल जाँदा बिडी तमाखु खाएर ननिभाई फाल्नु,घाँस उम्रने नाममा घाँसे मेलामा आगो सल्कानु जस्ता मानवीय कारणले आगलागीका घटना बर्षेनी घट्ने गरेका छन्।

पुष महिनाको अति नै जाडोमा पनि बाजुरामा आगलागी भईरहेको छ ।बाजुराका विभिन्न स्थानीय तहका घासैमेला,वनजंगलमा अहिले पनि दनदन आगो बलिरहेको छ। तर पनि सम्बन्धित निकाय भने मौन बसेका छन्।आगलागीले कुन बेला विकराल रुप लिन्छ कसैलाई थाहा हुदैन् ।

यसबाट समयमै सबैले सचेत हुन आवश्यक रहेको देखिन्छ ।आगलागी नियन्त्रणका लागी समयमै समेत नभएको खण्डमा ठुलो विपत्तीको सामना गर्नुपर्ने अवस्था देखिन थालेको छ। आगलागीका कारण निजी सम्पती मात्र नभई सार्वजनिक स्रोत साधन नोक्सानी हुने गरेको छ ।

यसै बिच बाजुराको बुढीनन्दा नगरपालिका कोल्टी बजार नजिकै रहेको इस्काई टावर देखी पिपलडालीको सल्लेरी वनबाट आगलागी भईरहेको छ । आगो नियन्त्रणमा भने कसैको चासो नगएको पाइएको छ ।

समयमै आगो नियन्त्रण नगरिएको खण्डमा विपत्तीको सामना गर्नु पर्ने देखिएको छ ।बर्षेनी यहाँका भेडा पालककले भेडालाई चरिचरनमा सहज हाेस् भनेर घाँसे मेलामा आगो लगाउने गरेका छन्।