सुदूरपश्चिमबाट काँग्रेसका ११ जना समानुपातिक उम्मेदवार

धनगढीः आगामी फागुन २१ गते हुने प्रतिनिधि सभाको निर्वाचन अन्तर्गत समानुपातिकतर्फ नेपाली काँग्रेसले सुदूरपश्चिमका एघार जना उम्मेदवारको नाम समावेश गरेको छ।

नेपाली काँग्रेसले निर्वाचन आयोगमा बुझाएको बन्द सूचीमा १ सय १० जना उम्मेदवारमध्ये सुदूरपश्चिमका एघार जना रहेका छन्। काँग्रेसले समानुपातिक उम्मेदवारमा दार्चुलाबाट करबीरसिंह कार्की, बैतडीका दिपेन्द्रबहादुर बम डडेल्धुराबाट हरिना कामी, बझाङबाट सुन्दर स्नेही, डोटीबाट प्रसीस महरा, अछामबाट टेकबहादुर विक र बाजुराबाट विद्यादेवी तिमिल्सिनाको नाम समावेश गरेको छ।

यस्तै कैलालीबाट यज्ञनिधि कोइराला र रीताकुमारी चौधरीको नाम समावेश गरिएको छ। काँग्रेसको समानुपातिक बन्द सूचीमा कञ्चनपुरबाट तौला राना र कल्पना केसीको नाम समावेश छ।