बडीमालिका ७ मा वडास्तरीय युवा सञ्जाल गठन: अध्यक्षमा तिमिल्सेना

बाजुरा: बडीमालिका नगरपालिका वडा.नम्बर ७ मा वडा स्तरीय युवा सञ्जाल गठन गरिएको छ। शुक्रबार एक कार्यक्रमका बिच वडा स्तरीय युवा सञ्जाल गठन गरिएको हाे।

प्लान ईन्टरनेशनल नेपाल र पिसवीन नेपालकाे साझेदारीमा सञ्चालित आभा परियाेजना र ७ नम्बर वडा कार्यालयकाे समन्वयमा बाल सञ्जाल गठन गरिएको हाे।वडामा हुने हरेक विकासका गतिविधि तथा सामाजिक,सांस्कृतिक कार्यमा अग्रसर हुन सहज हाेस् भन्ने उदेश्य सहित युवा सञ्जाल गठन गरिएको बडीमालिका ७ ले जनाएको छ।

समग्र वडाकाे विकासका गतिविधिमा युवाहरुको महत्वपूर्ण भूमिका रहने तथा आजका युवा भोलीका देशका कर्णधार भएकाले युवा सञ्जाल मार्फत सकारात्मक कार्यमा अग्रसर हुन सञ्जाल गठन गरिएको वडा सचिव सरिता कुमारी ठकुल्लाले जानकारी दिईन्।

आजका युवाहरु देश विकासका हतियार भएकाले युवा सञ्जालमा आउने नेतृत्वले समग्र वडाकाे विकास तथा समाजका विकृति विसंगतीहरुलाई निर्मुल पार्न सक्रियताका साथ लाग्ने अपेक्षा समेत गरिएको छ।

गणेश राज तिमिल्सेना अध्यक्ष रहने गरि १७ सदस्यीय कार्यसमिति गठन गरिएको छ । जसकाे उपाध्यक्षमा अनिता कुमारी विक,सचिवमा लाेकेन्द्र तिमिल्सेना,काेषाध्यक्ष भेषराज पण्डित,सह-सचिव हिरा राेकाया रहेका छन्।

त्यस्तै हिमाल राेकाया,नन्दकृष्ण जैशी,युवराज तिमिल्सेना सन्ताेष विक लगायत ८ जना सदस्य रहेका छन्। सञ्जालले सल्लाहकार समिति समेत गठन गरेकाे छ । धर्मराज पाध्याय सल्लाहकार समिति संयाेजक रहने गरि ४ सदस्यीय सल्लाहकार समिति गठन गरेकाे छ।

सञ्जालमा निर्वाचित सम्पूर्ण पदाधिकारीहरुले समग्र वडाकाे विकासमा हातेमालो भएर अघि बढ्ने प्रतिबद्धता व्यक्त गरेका हुन्। उनीहरुले समाजमा सकारात्मक सन्देश सहित समाजमा हुने छाउपडी,छुवाछुत लगायत अन्य कुप्रथाका विरुद्ध जनचेतनामूलक कार्यहरु गरिने समेत बताएका हुन्।