एमालेले हरेक विचार,आर्दश र त्यागलाई तिलाञ्जली दिने काम गर्याे: नेता शाह

बाजुरा: नेपाली कम्युनिष्ट पार्टीका नेता प्रकाश बहादुर शाहले नेकपा एमालेले हरेक विचार,आर्दश र त्यागलाई तिलाञ्जली दिने काम गरेकाे बताएका छन्।

शुक्रबार पार्टीले १० र ११ गते गरेका बैठकका निर्णय सार्वजनिक गर्न गरिएको पत्रकार सम्मेलनमा बाेल्दै नेता शाहले यस्ताे बताएका हुन्।उनले एमालेले मदन भण्डारीकाे विचार,मनमाेहनकाे त्याग पुष्पलालकाे आर्दशलाई तिलाञ्जली दिएकाे बताए ।

सत्ता साझेदारका लागी जाे संग पनि गटझट गर्ने पार्टी एमाले भएकोले पद र सत्ताकाे लागी सधैं किँचलाे हुने पार्टी भित्र बस्न मनले नमानेकाेले आफुले एमाले छाेड्न बाध्य भएको बताएका हुन्।

उनले राजनीति व्यक्तिगत स्वार्थका लागी नभई सिंगाे देश र जनताकाे पक्षमा रहेर राजनीति गर्नुपर्ने कुरामा जाेड दिए। पद र सत्ताकाे लागी कुनै पनि व्यक्ति लाचार भएको खण्डमा उसकाे राजनीति स्वार्थ बाहेक अरुमा नहुने प्रष्ट पारे।

साथै उनले देशकाे सार्वभौमसत्ता तथा राष्ट्रिय स्वाधीनताकाे रक्षा गर्न नेपाली कम्युनिस्ट पार्टी निर्माण भएको बताएका हुन्।देशको सार्वभौमसत्ता तथा राष्ट्रिय स्वाधीनताको रक्षा गर्नका लागि नेपाली कम्युनिस्ट पार्टी खडा भएको बताउँदै नेता शाहले यसमा बलियाे राजनीति ईच्छाशक्ति,नागरिक एकता र सचेतनाका साथै राष्ट्रिय हितमा आधारित नितिहरु आवश्यक बताए।

देशको सार्वभौमिकता र भौगोलिक अखण्डतालाई बाह्य र आन्तरिक खतराबाट सुरक्षित गर्न नेपाली कम्युनिस्ट पार्टीले आगामी दिनमा ठुलाे भूमिका खेल्ने समेत नेता शाहले प्रष्ट पारे। साथै उनले देशभक्ति पुर्ण कम्युनिस्ट आन्दोलनकाे रक्षा गर्न पार्टी निर्माण भएको कुरामा जाेड दिएका हुन्।

पछिल्लो समय देश राष्ट्रिय स्वाधिनता र अखण्डताकाे संकटमा रहेकाे बताउँदै उनले यिनिहरुलाई पुन: ध्रुविकरण तथा एकताकद्द गर्न आवश्यक रहेकाे बताए ।साथै उनले सशस्त्र बिद्रोहकाे आयाम,सशस्त्र जनयुद्धकाे आयाम लगायत विभिन्न कम्युनिस्ट आन्दोलनका आयामहरुलाई आत्मसात गर्न महत्त्वपूर्ण रहेकाे समेत बताए।

नेपाली कम्युनिष्ट पार्टी बाजुराबाट ५ जना उम्मेदवार सिफारिस

नेपाली कम्युनिस्ट पार्टी बाजुराबाट ५ जना उम्मेदवार सिफारिस भएका छन्। आगामी फागुन २१ गते हुने प्रतिनिधिसभा निर्वाचनका लागि बाजुरामा नेपाली कम्युनिस्ट पार्टीले ५ जनाकाे नाम सिफारिस गरेकाे हाे।

प्रतिनिधि सभाकाे आगामी निर्वाचनम प्रत्यटक्षतर्फ प्रकाश बहादुर शाहकाे एकल नाम सिफारिस गरिएको हाे ।भर्खरै एमाले परित्याग गरि नेकपामा प्रवेश गरेका नेता शाह प्रत्यक्ष रुपमा एकल सिफारिस भएका हुन्।

त्यस्तै समानुपातिक तर्फ दुर्गम तथा पिछडिएको क्षेत्रबाट
हिक्मत जंङ्ग शाही,दलित महिला तर्फबाट बिनिता विक र घाईते तथा अपांगताबाट सञ्जय कटेल सिफारिस भएका छन्।

राष्ट्रिय सभातर्फ अजबहादुर मल्ललाई सिफारिस गरिएको नेपाली कम्युनिष्ट पार्टी बाजुराले पत्रकार सम्मेलन मार्फत जानकारी गराएकाे हाे । पत्रकार सम्मेलनमा नेपाली कम्युनिष्ट पार्टीका विभिन्न नेता कार्यकर्ता संगै पत्रकारकाे सहभागीता थियाे।