चामलकाे मूल्य घट्याे: खाद्य संस्थान बाजुरा

बाजुरा: खाद्य व्यवस्था तथा व्यापार कम्पनी लिमिटेड बाजुराले चामलको मुल्य घटेको जनाएको छ । जिल्लामा विक्री हुँदै आएको अरुवा माेटा चामलकाे मुल्य घटेकाे जनाएको छ।

प्रति किलो ६१ रुपैयाँमा विक्री हुँदै आएको अरुवा माेटा चामल पाँच रुपैया घटेर ५६ रुपैया प्रति केजीको मूल्य निर्धारण गरि बिक्री भईरहेको खाद्य व्यवस्था तथा व्यापार कम्पनी लिमिटेड बाजुराले जनाएको छ ।

खाद्य संस्थान काठमाडौंको पत्र अनुसार साे मूल्यमा चामल बिक्री भईरहेकाे बाजुराका खाद्य सहायक भरत बुढाले जानकारी दिए।उनका अनुसार,पुस १ गतेबाट अरुवा मोटा चामल ५६ रुपैया प्रतिकेजीमा विक्री भईरहेकाे बताए।

कार्यालयले एक सूचना जारी गर्दै प्रधान कार्यालय काठमाडौंकाे चलानी नम्बर ३०२ काे प्राप्त पत्र अनुसार कार्यालयबाट बिक्री हुदैँ आएकाे अरुवा माेटा चामलकाे बिक्री मुल्य समायाेजन भई प्रति केजी ६१ कायम हुन आएकाे जनाएको छ।

सहुलियत मुल्य पशल सञ्चालन अन्तर्गत प्रति केजी ५ रुपैयाँ छुट दिई प्रति केजी ५६ ले २५ केजीकाे १ हजार ४ सय कायम भएको हाे। यस अघि २५ केजीकाे पन्ध्र सय पच्चिस पर्ने गरेकाेमा अब प्रति केजी ५ रुपैयाँ घटेकाेले २५ केजी चामल चाैध सयमा बिक्री हुने छ।

मसिनाे चामलकाे मुल्य भने यथावत् छ।मसिनाे चामल प्रति केजी ८५ का दरले बिक्रीवितरण भईरहेकाे छ। पच्चिस केजी कट्टा मसिनाे चामलकाे दुई हजार एक सय पर्ने गरेकाे छ।हाल संस्थानमा करिब ३ हजार ३ सय क्विण्टल चामल माैज्जाद रहेकाे खाद्य सहायक बुढाले जानकारी दिएका छन्।

जिल्लाका खाद्य डिपो र अस्थायी बिक्री केन्द्रबाट यहाँका नागरिककाे लागी चामल बिक्री वितरण हुने गरेकाे छ। जिल्लामा कहिले खाद्य संकट तथा कहिले चामल बिक्न छाेड्ने समस्या रहि आएकाे छ।दुर्गम ठाउँ भएकोले चामल ढुवानीमा समस्या हुँदा कहिलेकाहीँ यहाँका नागरिकले ठुलाे समस्या समेत भाेग्ने गरेका छन्।

बजारको मूल्यभन्दा कम मूल्यमा खाद्य संस्थानकाे चामल बिक्री हुँदै आएकाे छ ।संस्थानकाे चामल थाेरै भए पनि सहुलियत रुपमा बिक्री हुने हुँदा यहाँका बढिजसाे उपभोक्ताहरु संस्थानकै चामल किन्ने गरेका छन्।