आगामी चुनावमा कुनै दावी छैन्,बरु पार्टी सुदृढीकरणमा लाग्छुः सहमहामन्त्री पाण्डे

बाजुराः  नेपाली कांग्रेसका सहमहामन्त्री बद्री प्रशाद पाण्डेले पार्टीमा नयाँ पुस्तालाई अवसर दिएर आफू पार्टी सुदुढीकरणमा लाग्ने बताएका छन्। आगामी फागुन २१ गते हुने प्रतिनिधि सभा निर्वाचनको लागी पार्टीको काम कर्तव्यका निम्ती गृह जिल्ला बाजुरा आईपुगेका सहमहामन्त्री पाण्डेले अब आफूले चुनाव नलड्ने घोषणा गरेका हुन्।

नेपाली कांग्रेस बाजुराले आयोजना गरेको बृहत् छलफल तथा भेटघाट कार्यक्रममा सहमहामन्त्री पाण्डेले चुनाव नलड्ने बताएका हुन्। आगामी प्रतिनिधि सभाको चुनावमा आफू उम्मेदवार नहुने बताउँदै उनले आफू पार्टी सुदुढीकरणमा लाग्ने बताए ।

मन्त्री पाण्डेले भने,‘सत्ता र शक्तिको लोभले सिङ्गो पार्टी लाई दिशाहिन बनाईरहेको अबस्थामा राजिनिती मूल्य,मान्यता र निष्ठा केन्द्रित हुनुपर्छ। आफू भैसकेपछी पार्टी भित्र अरुलाई अबसर दिन आवश्यक छ । म सांसद र मन्त्री भइसकेँ । नयाँ पुस्तालाई अवसर दिनुपर्छ भन्ने धेयका साथ चुनाव नलड्ने निधो गरेँको छु ।’

पूर्व संस्कृति, पर्यटन तथा नागरिक उड्डयनमन्त्री समेत रहेका पाण्डेले पार्टीलाई शसक्त र बलियो बनाउन सबैले हातेमालो गरेर अघि बढ्नु पर्ने बताएका हुन्। साथै उनले सधैं एउटै व्यक्ति मात्र नभई नयाँ पुस्ताहरुलाई अवसर दिन आवश्यक रहेको समेत बताए ।

अब हुने प्रतिनिधि सभाको प्रत्यक्षरसमानुपातिक एवं राष्ट्रिय सभा सदस्यको उम्मेदवारका लागि आफ्नो कुनै इच्छा नभएको पाण्डेले बताए । २०७९ मा पाण्डे बाजुराबाट प्रत्यक्ष निर्वाचित भई मन्त्री समेत बनेका थिए। तत्कालीन नेपाल सरकारका प्रधानमन्त्री तथा एमाले अध्यक्ष केपी शर्मा ओलीले नेतृत्वको सरकारमा पाण्डे मन्त्री बनेर सरकारमा सहभागी थिए ।

जेनजी आन्दोलन पश्चात् देशमा संकट उत्पन्न भई प्रतिनिधि सभा विघटन भएको थियो।मन्त्री पाण्डे बाजुराबाट २०७९ मंसिर ४ गते भएको प्रतिनिधिसभा सदस्य निर्वाचनमा बाजुरा क्षेत्र नं १ बाट प्रत्यक्ष निर्वाचित भएका थिए ।पाण्डे नेविसंघको राजनीतिबाट उदाएका पार्टीको केन्द्रीय सदस्य, पार्टीको सहमहामन्त्री हुँदैे नागरिकक उड्डयन तथा पर्यटन मन्त्री समेत बनेका छन् ।

पिछडिएको क्षेत्रको पनि प्रतिनिधित्व हुने र सरकारमा रहेर काम पनि गरेर देखाउन सक्ने छवि पाण्डेको थियो। सरकारमा रहेको वेला पाण्डेले उत्कृष्ट कार्य समेत गरेका थिए। कार्य,सम्पादन मुल्यांकनमा उनी उत्कृष्ट मन्त्रीको रुपमा समेत परेका थिए। भने विदेशबाट उत्कृष्ट कार्यको अवार्ड समेत पाएका थिए।

तर पाण्डे गृह जिल्लामा भने आलोचित नै भईरहेँ। यहाँका नागरिकले जिल्लाको लागी मन्त्री पाण्डेले केहि पनि गर्न नसकेको आरोप लगाएका छन्। आगामी चुनावमा उठेको खण्डमा कुनै पनि हालतमा विजयी नगराउने पक्षसम्म यहाँका नागरिक पुगेका हुन्।पाण्डेले २०७९ को चुनाव अघि डिस्टिक्सन ल्याएर उत्तिर्ण हुने समेत बताएका थिए।

पाण्डे २०७९ मा सरकारमा जानू पुर्व २०७० सालको संविधान सभाको समानुपानिक सांसद,र २०७४ मा राष्ट्रिय सभाका सदस्य समेत भएका थिए ।प्रत्यक्ष निर्वाचन प्रणालीबाट २०७९ मा बाजुराबाट प्रतिनिधी सभामा निर्वाचित भएपछि पार्टीको गगन र शेखर कोइराला टिमबाट सहमहामन्त्री पाण्डे मन्त्री बनेका थिए ।