त्रिवेणी नगरपालिकाकाे प्रमुख प्रशासकीय अधिकृतकाे रुपमा माैनी

बाजुरा:  त्रिवेणी नगरपालिकाकाे प्रमुख प्रशासकीय अधिकृतकाे रुपमा टेक बहादुर माैनी आएका छन्। संघीय मामिला तथा सामान्य प्रशासन मन्त्रालयले कार्तिक २३ गते उनलाई प्रमुख प्रशासकीय अधिकृतमा पठाएको थियाे।

मन्त्रालयले प्रशासकीय अधिकृतकाे रुपमा पठाए संगै मौनी मंगलबार पालिकामा हाजिर भएका हुन् ।मन्त्रालयले पालिकामा यसअघि सरुवा भएका उपसचिवहरुको थमौती भएपछि शाखा अधिकृत मौनीलाई प्रमुख प्रशासकीय अधिकृतमा खटाइएको थियो ।

माैनीलाई पालिकामा भव्य स्वागत सहित सफल कार्यकालकाे शुभकामना समेत व्यक्त गरिएको हाे। नगर प्रमुख कर्ण बहादुर थापा,उपप्रमुख कमला जाेशी न्याैपाने लगायत अन्य पालिकाका कर्मचारीहरुले उनलाई खादा र फुलमाला सहित भव्य स्वागत गरेका हुन्।

पद सम्हाल्दै प्रमुख प्रशासकीय अधिकृत माैनीले आफू सक्षम तरिकाले पालिकाकाे जिम्मेवारी वहन गर्ने बताउँदै पालिकाका नागरिककाे क्षेत्रमा काम गर्ने बताएका हुन्।पालिकाकाे विकास समृद्धि कुनै कदम पछि नहट्ने र यहाँकाे प्रशासनिक कामलाई थप चुस्तदुरुस्त बनाउने बताएका हुन्।