बाजुरा युथ कनेक्टले काठमाडौंमा फुटसल प्रतियाेगिता गर्ने

बाजुरा: बाजुरा युथ कनेक्टले संघीय राजधानी काठमाडौंमा फुटसल प्रतियाेगिता सञ्चालन गर्ने भएको छ।युथ कनेक्टले आज बाजुरा जिल्ला स्तरीय सेभन ए साईड फुटसल प्रतियोगिताको आयोजना गर्ने भएको हाे ।

बाजुरा घर भई राजधानीमा विभिन्न पेशा,व्यवसाय र अध्यनकाे सिलसिलामा रहेका युवाहरु बिच प्रतियाेगिता सञ्चालन गरिने बाजुरा युथ कनेक्टका सचिव अर्जुन जोशीले बताए।

उनका अनुसार,सबै युवाबिच आपसी सद्भाव,भेटघाट र भाईचाराकाे सम्बन्ध स्थापित गर्न पहिलाे पटक प्रतियाेगिताकाे आयोजना गर्ने लागिएको बताएका हुन् ।साथै प्रतियाेगिताले बाजुराकाे खेल क्षेत्रमा ठुलाे सहयाेग पुग्ने विश्वास अपेक्षा समेत लगिएको जाेशीले जानकारी दिए ।

प्रतियोगितामा बाजुरा घर भई राजधानीमा रहेका करिव १५ टिमको सहभागिता रहने आयोजकले बताएको छ। प्रतियोगितामा उपाधी जित्ने विजेता टिमलाई नगद ४१ हजार १ सय ११ र उपविजेता टिमलाई १८ हजार १ सय ११ रुपैयाँ पुरस्कार प्रदान गरिने छ।

त्यस्तै प्रतियोगिताका उत्कृष्ट स्ट्राइकर, डिफेन्स, गोलकिपर र हरेक खेलको म्यान अफ द म्याच हुने खेलाडीलाई पुरस्कृत गरिनेछ । प्रतियोगितामा प्रवेश शुल्क ३ हजार ५ सय तोकिएकाे छ ।संघीय राजधानी काठमाडौंमा बाजुराका युवाहरुले प्रतियाेगिताकाे आयोजना गर्नु निकै महत्त्वपूर्ण र उपलब्धिमुलक कार्य रहेकाे छ ।

खेल क्षेत्रबाटै पहिचान बनाउन र विभिन्न सामाजिक समस्याहरुलाई खेल क्षेत्रबाट समाधान गर्ने गरि प्रतियाेगिता सञ्चालन गरिने भएको हाे।प्रतियोगिता काठमाडौँको कीर्तिपुरस्थित मच्छेनारायण फुटसलमा हुने छ। प्रतियाेगिताले एकता र नेतृत्वकाे विकासमा टेवा पुर्याउने भएको हाे।