नेकपा (एमाले) काे जनदवाव,राष्ट्रिय एकता,संविधानकाे सर्वाेच्चता र संसद पुनःस्थापनाको माग

बाजुरा: बाजुरामा नेपाल कम्प्युनिष्ट पार्टी एमालेले जनप्रर्दशन कार्यक्रम गरेकाे छ । यहाँका ९ वटै स्थानीय तहमा नेकपा एमाले बाजुराले आज सडकबाटै जनदवाव कार्यक्रम गरेकाे हाे।

राष्ट्रिय एकता,संविधानकाे रक्षा,संसद पुनःस्थापनाको माग र प्रतिगामी कदमविरुद्ध बाजुराका विभिन्न बजारमा र्‍याली निकालिएकाे हाे।सदरमुकाम मार्तडी,काेल्टी,फालाशैन लगायत अन्य पालिकाका विभिन्न ठाउँमा एमाले बाजुराले प्रर्दशनी गरिएको छ।

साेही क्रममा बाजुराकाे सदरमुकाम मार्तडीमा नेकपा एमाले बडीमालिका नगर कमिटी द्वारा जनप्रर्दशन कार्यक्रमकाे आयोजना गरिएको हाे। कार्यक्रमलाई सम्बाेधन गर्दै नेकपा एमाले बाजुराका सचिव काँसी विकले जेनजीका नाममा जुन लुटपाट,आगजनी र विध्वंस मच्चाईयाे त्याे कार्य अत्यन्तै निन्दनीय रहेकाे बताए ।

साथै उनले देशकाे अस्मिता माथी गरिएको निन्दनीय कार्यका विरुद्ध नेकपा एमाले सडकबाटै उत्रिने बताएका हुन्।सहिलाई सहि र गलतलाई गलत भन्न सक्ने पार्टी एमाले मात्रै रहेकाेले एमाले सधैं सत्यकाे पक्षमा उभिने पार्टी रहेकाे समेत बताए ।

राष्ट्रिय एकता,संविधान सर्वाेच्चता र संसद पुनःस्थापनाको मागकाे लागी नेकपा एमालेले जनप्रर्दशन कार्यक्रमकाे आयाेजना गरेकाे एमाले बडीमालिका नगर कमिटी अध्यक्ष राजेश पायल विकले बताए । संविधान र देशकाे रक्षाकाे लागी एमाले सधैं एक कदम अघि नै हुने भएकोले  देश र संविधानकाे रक्षाका निमित्त एमाले सधैं कटिबद्ध रहने बताए ।

कार्यक्रममा बाेल्ने अन्य वक्ताहरुले अहिलेको सरकार वैधानिक नभई अवैधानिक तरिकाले अघि बढेकाे बताउँदै वैधानिक सरकार केपी शर्मा ओलीकै नेतृत्वमा मात्र बन्न सक्ने प्रष्ट पारेका हुन्।अहिलेकाे सरकार कुनै पनि हालतमा मान्य समेत नहुने उनीहरुकाे भनाइमा थियाे।

जनदवाव कार्यक्रममा सहभागीहरूले व्यानर सहित पार्टीका झण्डा,हातमा प्लेकार्ड बाेकेर “ राष्ट्रिय एकता कायम गर,संविधानको रक्षा गर ,“संसद पुनःस्थापना गर” प्रतिगामी सरकार मुर्दावाद भन्दै बजार परिक्रमा गरेर लाेकतान्त्रिक चाेकमा काेणसभाकाे आयोजना गरेका हुन्।