नि:शुल्क स्वास्थ्य शिविरबाट १ हजार बढि लाभान्वित,सहज रुपमा स्वास्थ्य सेवा प्रदान

बाजुरा: बाजुराकाे मार्तडीमा सञ्चालित नि:शुल्क स्वास्थ्य शिविरबाट १ हजार बढि लाभान्वित भएका छन्। कार्तिक १७ देखि २१ गतेसम्म सञ्चालन भएको उक्त शिविरबाट १ हजार ६ सय ६० जनाले उपचार सेवा लिएका हुन्।

नि:शुल्क हाडजोर्नी सम्बन्धी शल्यक्रिया तथा बहिरंग (ओपीडी) शिविर नेपाल अर्थोपेडिक अस्पताल जोरपाटी काठमाडौं, बडिमालिका नगरपालिका बाजुरा र जिल्ला अस्पताल बाजुराको संयुक्त आयोजनामा सञ्चालन गरिएको थियाे।९२ जना बिरामीको भने शल्यक्रिया (अपरेशन) गरिएको अस्पताल बाजुराले जनाएको छ ।

गरिव,अपाङ्ग,असहाय,शाररिक अवस्थाबाट ग्रशीत भएका विरामीहरुकाे लागी शिविर सञ्चालन गरिएकाे अस्पताल बाजुराका प्रमुख चन्द्रशेखर यादवले बताए ।उनका अनुसार शिविरमा नेपाल अर्थाेपेडिक अस्पताल जाेरपाटी काठमाडौंका बरिष्ठ हाडजोर्नी बिशेषज्ञ डाक्टर मुक्ति तिमिल्सेना नेतृत्वकाे टिमबाट नि:शुल्क सहज रुपमा सेवा प्रदान गरिएकाे बताएका छन् ।

शिविरमा आगाेले पाेलेका,खुट्टाकाे पैताला फर्किएका,जन्मजात हात खुट्टा बाङ्गिएका,हात वा खुट्टाका विकृिजन्य समस्या,हात वा खुट्टा भाचिएका,भाचिई बाङ्गिएर जाेडिएका,भाचिएकाे ठाउँमा पाता वा किला राखिएका,गाठागुठी निकाल्नु परेका विरामीहरुकाे सहज रुपमा सेवा प्रदान गरिएकाे हाे।

बर्षाै देखि उपचार नपाएका गरिव,असहाय,आर्थिक समस्यामा परेका नागरिकलाई उपचारमा सहज भएको बडीमालिका नगरपालिकाले जनाएकाे छ ।शिविरले बाजुरा जस्ताे दुर्गमका नागरिकहरुकाे घाउमा मलम लगाउन ठुलाे सहयाेग पुगेकाे हाे।

४७ औं बर्ष देखि गैरनाफामुलक सेवा दिदै आएकाे नेपाल अर्थाेपेडिक अस्पताल जाेरपाटीले बाजुराका विपन्न,असहाय,विभिन्न राेगबाट ग्रसित विरामीहरुलाई सहज रुपमा सेवा दिएकाे हाे। यस संस्थाले बाजुरामा करिब ७ बर्ष अघि सेवा दिएकाे थियाे ।

त्यसबेला करिब ५५ जना बढिकाे अप्रेनरशन गरिएकाेमा ११ सय बढिलाई ओपीडी सेवा प्रदान गरिएको थियाे।बाजुराका बिपन्न,असहाय,आर्थिक अभावमा उपचार समस्यामा परेका नागरिकहरु सेवाबाट लाभान्वित भएको नेपाल अर्थाेपेडिक अस्पतालले जनाएको छ ।

यस्तै बाजुराकाे बुढिनन्दा नगरपालिका काेल्टीमा पनि नि: शुल्क स्वास्थ्य शिविर सञ्चालन हुदैँ छ।दुर्गमका नागरिककाे स्वास्थ्य अवस्थालाई मध्येनजर गर्दै एक एक पाइला,गेटा आँखा अस्पताल र बुढीनन्दा नगरपालिका बीचको समन्वयमा शिविर सञ्चालन गर्न लागिएकाे बुढिनन्दा नगरपालिका स्वास्थ्य शाखा प्रमुख ओमजंग शाहीले जानकारी दिए।

माथिल्लो क्षेत्रका ४ वटा स्थानीय तहका नागरिक संगै छिमेकी जिल्ला हुम्ला,मुगु,कालिकाेट लगातय १७ पालिकाका नागरिक शिविरबाट लाभान्वित हुने छन्।बृहत् नि: शुल्क स्वास्थ्य शिविर यहिँ कार्तिक २४ गते साेमबार विहान १० बजेदेखि कार्तिक २६ गते बुधबारसम्म सञ्चालन गरिने हुने छ।