हामीले रातदिन सेवा दिएका छाैँ,तर जनशक्तिकाे व्यवस्थापन हुनुपर्याे: ईन्चार्ज पाध्याय

बाजुरा: बाजुराकाे मार्तडी स्वास्थ्य चाैकी चुथीका ईन्चार्ज काँशिचन्द्र पाध्यायले आफूहरुले रातदिन नभनी सेवाग्राहीलाई सेवा दिएकाे बताएका छन्।जनशक्तिकाे अभावका कारण समस्या सिर्जना भए पनि आफूहरु रातदिन नभनी जनताकाे स्वास्थ्य सेवामा कटिबद्ध रहेकाे बताएका हुन्।

स्वास्थ संस्थामा सेवा लिन जाँदा कार्यलयमा सहयाेगी बाहेक अन्य कुनै स्वास्थ्यकर्मी नहुने गरेकाे गुनासाेमा ईन्चार्ज पाध्यायले आफू उपचारकाे लागी बिदामा जिल्ला बाहिर हुँदा सेवा प्रवाहमा समस्या भएको हुन सक्ने बताएका हुन्।अन्य स्वास्थ्यकर्मीकाे व्यवस्था नभएका कारण समस्या सिर्जना भएको पाध्यायकाे भनाइ छ।

आफू बाहिर हुँदा स्वास्थ्य संस्थाकाे बिषयमा अनेकथरी टिकाटिप्पणी भयाे,एक्लैले केही गर्न सकिन्न,त्यसबारे सम्बन्धित निकायले ध्यान दिन जरुरी छ । ईन्चार्ज पाध्यायले बताए। हामीले रातदिन सेवाग्राहीलाई सेवा दिएका छाै,पाध्यायले भने “जनशक्तिकाे व्यवस्थापन हुनुपर्याे । हामीले काम गर्ने हाे,कर्मचारीकाे व्यवस्थापन स्वयम् स्वास्थ्य चाैकी व्यवस्थापन समिति तथा पालिकाले गर्ने हाे । ”

बिशेषत् स्वास्थ्य संस्थामा जनशक्ति अभावकै कारण टिकाटिप्पणी हुने गरेकाे उनकाे भनाइ छ। दरबन्दी अनुसारका कर्मचारीकाे व्यवस्थापन हुन नसक्दा स्वास्थ्य संस्थाकाे सेवा प्रवाहमा समस्या हुने गरेकाे उनले बताए।ईन्चार्ज पाध्यायले भने,“आफूले रातदिन सेवा दिईरहँदा पनि मै आलाेचित भए। तर स्वास्थ्य संस्थाकाे समस्या बारे कसैले बुझेनन्।चाँडाे भन्दा चाँडाे दरबन्दी अनुसारका कर्मचारीकाे व्यवस्थापन हुनुपर्याे । ”

स्वास्थ्य संस्थामा दरबन्दी अनुसारका कर्मचारी आवश्यकता बारे तीन/तीन पटक निर्णय सहित व्यवस्थापन समितिलाई जानकारी गराईसकेकाे तर समस्या समाधान नभएको उनले गुनासाे गरे ।स्वास्थ्य संस्थामा कर्मचारी भन्दा पनि व्यवस्थापन समिति बढि जिम्मेवार बन्नुपर्ने बताउँदै उनले कर्मचारीले काम गर्ने हाे,समितिले व्यवस्थापन गर्ने हाे,तर यहाँ कर्मचारीले काम गरिरहँदा पनि आवश्यक कर्मचारीकाे व्यवस्थापन हुन नसकेकाे बताए ।

स्वास्थ्य संस्थामा पाँच जना जनशक्ति हुनुपर्ने ठाउँमा अहिले दुई जनाकाे भरमा स्वास्थ्य संस्था चलाउनु पर्ने बाध्यता रहेकाे छ। ३ जना प्यारामेडिक्स र २ जना नर्सिङ स्टाफ हुनु पर्नेमा अहिले १ जना प्यारामेडिक्स र १ जना नर्सिङ स्टाफ मात्र छन्। स्वास्थ्य संस्थामा हेल्थ असिस्टेन्ट ,अहेव,अनमी गरि थप ३ जनाकाे आवश्यकता रहेकाे देखिन्छ । तर कर्मचारीकाे पदपुर्ति हुन सकेकाे छैन्।

ल्याब असिस्टेन्ट र नर्सिङ स्टाफले औंषधी वितरण सम्बन्धी कार्य नगर्ने हुँदा एकै जना प्यारामेडिक्सकाे भरमा स्वास्थ संस्था चल्नुपर्ने बाध्यता छ । जसले गर्दा सेवा लिन आउँने सेवाग्राहीलाई समस्या हुँदै आएकाे हाे ।स्वास्थ संस्थामा अहिले १ जना प्यारामेडिक्स,१ जना नर्सिङ स्टाफ (सिअनमी)गरेर दुई जना स्वास्थ्यकर्मी छन् ।

थप ३ जनाकाे आवश्यकता भए पनि व्यवस्थापन भने हुन सकेकाे छैन् ।तत्कालिन जनस्वास्थ्य निरिक्षक स्वर्गीय धर्म बहादुर खत्रीकाे पालामा सम्पुर्ण कर्मचारीकाे व्यवस्थापन थियाे भने अहिले दुई जना बाहेक अन्य कर्मचारीकाे टुङ्गाे छैन्। सिअनमी डम्बरी जाेशी काजमा छन्। कल्पना रावल ल्याब असिस्टेन्ट हुन् भने अन्य दुई जना गणेशराज तिमिल्सेना सहयाेगी र लक्ष्मी पाण्डे पाध्याय स्विपरकाे रुपमा कार्यरत छन्।

अहिलेसम्म दरबन्दी अनुसारका कर्मचारीकाे व्यवस्थापन किन हुन सकेन् भन्ने बिषयमा यता स्वास्थ्य चाैकी व्यवस्थापन समिति संयाेजक तथा बडीमालिका नगरपालिका ७ का वडाअध्यक्ष धर्मराज पाध्यायका अनुसार,दरबन्दी अनुसारका कर्मचारीकाे व्यवस्थापनमा आफू लागी रहेकाे बताए । सहज रुपमा सेवा प्रवाह सुचारू गर्न जनशक्तिकाे पदपूर्तिकाे लागी विभिन्न निकायसँग समन्वय,सहकार्य तथा पहल भईरहेकाे बताएका छन्।

स्वास्थ्य चाैकीमा स्मार्ट हेल्थ कार्यक्रम,ल्याव सेवा लगायतका थुप्रै सेवाहरु सञ्चालनमा छन्। ल्याब सेवाले यहाँका नागरिकलाई सहज हुँदै आएकाे छ । सामान्यतया व्लड तथा युरिक टेष्टको सुविधा घर-दैलाेमा छ ।त्यस्तै गर्भवती तथा सुत्केरी महिलाहरुलाई सहज रुपमा सेवा प्रदान गरिदै आएकाे छ भने स्मार्ट हेल्थ कार्यक्रमले सेवाको पहुँच बाट टाढा रहेका स्थानीयलाई टेलि हेल्थ सेवा मार्फत गुणस्तरीय स्वास्थ्य सेवामा सहज हुदैैँ आएकाे छ ।