त्रिवेणीका एक युवकले गरे घाँटीमा पासाे लगाएर आत्महत्या

बाजुरा: बाजुरामा एक जनाले घाँटीमा पासाे लगाएर आत्महत्या गरेका छन्। बाजुराकाे त्रिवेणी नगरपालिका वडा नम्बर ८ का सुर्य थापाका छाेरा अन्दाजी २८ बर्षिय खडक थापाले घाँटीमा पासाे लगाएर आत्महत्या गरेका हुन्।

बुधवार विहान थापाले आफ्नै घरकाे धुरीमा प्लास्टिककाे डाेरीले घाँटीमा पासाे लगाई आत्महत्या गरेकाे अवस्थामा भेटिएकाे जिल्ला प्रहरी कार्यालय बाजुराका प्रहरी निरिक्षक तथा सूचना अधिकारी देव वहादुर चाैधरीले बताए ।

उनका अनुसार,थापाले आत्महत्या गरेकाे अवस्थामा भेटिएकाे भन्ने खवर पश्चात् जिल्ला प्रहरी कार्यालयबाट आफू लगायत अन्य प्रहरीकाे टाेली घटनास्थलमा पुग्दा उनले आफै घाँटीमा पासाे लगाएर मृत अवस्थामा भेटिएकाे बताए।

थापाले गएराती नै आत्महत्या गरेकाे हुनसक्ने प्रहरीले बताएको छ । घटनास्थलकाे मुचुल्का गरि शब पाेष्टमार्टमकाे लागि जिल्ला अस्पताल बाजुरामा ल्याई शव गृहमा राखिएको छ । मृतक थापाका आफन्तले जाहेरी लिएर आए पश्चात् शवकाे पाेस्टमार्टम गरिने प्रहरीले बताएको छ।