मृत कुकुरमा रेविज,प्रभावित क्षेत्रमा प्राविधिक टोली

गौरव विष्ट,बाजुराः बुढीगंगा नगरपालिकामा मृत अवस्थामा भेटिएको कुकुरमा रेविज रोग लागेको पुष्टी भएको छ । बेतालमाण्डौं बजारमा मृत भेटिएको कुकुरमा रेविज रोग लागेको पुष्टी भएको हो । मृत कुकुरको स्वाब परीक्षणका लागि पशुपन्छी रोग अन्वेषण प्रयोगशाला धनगढीमा पठाइएको थियो । उक्त कुकुरको स्वाब परीक्षण गर्दा पोजेटिभ देखिएको हो ।

मृत कुकुरको परीक्षण रिर्पोटमा रेबिज पुष्टि भएको नगर प्रमुख राम बहादुर बाँनियाले बताए । उनले भने, “बेतालमाण्डौंमा मरेको कुकुरमा रेबिजको आंशकापछि स्वाब परीक्षण गर्दा रिर्पोटमा पोजेटिभ देखिएको छ । ” सम्बन्धित व्यक्ति तथा पशुचौपायालाई तत्काल खोप लगाउन आग्रह गरिएको बाँनियाले बताउँनुभयो । ।

कुकुरले एक भैसी, एक पाडो, दुई बाख्रा र एक कुखुरालाई टोेकेको थियो । मृत रहेको कुकुरले टोेकेका अन्य भैसी,पाडा र बाख्रामा रेविजको विरुद्धको खोप लगाएपनि कुकुरले टोकेको कुखुरा मासुका रुपमा खाएपछि कुखुराको मासु खानेलाई पनि रेविज विरुद्धको खोप लगाउनु पर्ने भएको हो । कुकुरको स्वाव परिक्षणमा रेविज देखिएकाले उक्त क्षेत्रमा रेबिज परीक्षणका लागि नगरपालिकाले पशु चिकित्सकको टोली समेत खटाइएको छ ।

रेबिज रोग अत्यन्तै जोखिम हुने भएकाले कुकुर र अन्य जनावरलाई नियमित खोप लगाउन समेत सबैलाई आग्रह गरिएको छ ।घरपालुवा पशु कुकुरमा प्राय यो रोग सर्छ । यो रोग प्राय कुकुरको टोकाइबाट मानिसमा सर्ने गरेको छ ।