बर्षातका कारण आएकाे बाढिले बगाउँदा एक जना बेपत्ता

बाजुरा: खाेलाले बगाउँदा एक जना बेपत्ता भएका छन्। वेपत्ता हुनेमा गाैमुल गाउँपालिका वडा नम्बर ३ का अन्दाजी ४५ बर्षिय धनबहादुर बाेहरा रहेका छन्।

निवर्तमान वडा सदस्य समेत रहेका बाेहरा पानी घट्टका लागी जाताे तान्ने क्रममा गेरेनी खाेलामा बर्षातका कारण आएकाे बाढिले बगाएर बेपत्ता भएकाे जिल्ला प्रहरी कार्यालय बाजुराका सुचना अधिकारी जनक बाेहराले बताए ।

उनका अनुसार,बाेहरालाई बाढिले बगाएर बेपत्ता भएको खवर पश्चात् प्रहरी सहायक निरिक्षक लक्ष्मी राज जाेशीकाे कमाण्डमा ४ जनाकाे टाेली घटनास्थलमा खटाई खाेजी कार्य भईरहेकाे बताए ।

बाेहराकाे स्थानीय र सुरक्षाकर्मीहरूद्धारा खोजी कार्य जारी रहेको जिल्ला प्रहरी कार्यालय बाजुराले जनाएको छ।