त्रिवेणीमा स्वास्थ्य ऐन बनाउने जनप्रतिनिधीको प्रतिवद्धता

बाजुरा- जिल्लाको त्रिवेणी नगरपालिकाले स्वास्थ्य ऐन ल्याउन गरी यो वर्षको आर्थिक वर्षको निती तथा कार्यक्रम र बजेट ल्याउने भएको छ ।
बिहीबार नगरपालिकामा गरिएको यौन तथा प्रजनन स्वास्थ्य अधिकार विषयक संवाद कार्यक्रममा नगरपालिकाका जनप्रतिनिधीहरुले स्वास्थ्य ऐन ल्याउनका लागि यो आर्थिक वर्ष ०८२ / ०८३ को नीति तथा कार्यक्रममा समावेश गरी बजेटको सुनिश्चितता गर्ने प्रतिवद्धता जनाएका छन् ।

नगरपालिकाका नगर प्रमुख कर्णबहादुर थापा,उप प्रमुख कमला जैशी(न्यौपाने) सहितका वडाअध्यक्ष र कार्यपालिका सदस्यहरुले स्वास्थ्य क्षेत्रलाई पहिलो प्राथमिकता राख्दै स्वास्थ्य निती ऐन बनाउने बताएका छन् ।पीसविन नेपालद्धारा संचालित आभा परियोजानले नगरपालिकामा गरेको जनप्रतिनिधी र शाखाका प्रमुख र प्रशासकीय अधिकृत सहितको संवादमा संघ र प्रदेश ऐन नबाझिने गरी नगर स्वास्थ्य ऐन ल्याउन नितीगत रुपमा अघि बढ्ने बताएका छन् ।

नगर प्रमुख कर्णबहादुर थापाले नगरपालिकाको पहिलो प्राथमिकता नै स्वास्थ्य र शिक्षा भएकाले यसका लागि निती तथा कार्यक्रम बनाई बजेट समेत व्यवस्था गर्ने बताएका छन् ।उनले स्वास्थ्य क्षेत्रको सुधार र स्वास्थ्यमा सहज रुपमा नागरिकलाई सेवा प्रदान गर्ने गरी स्वास्थ्य ऐन बनाउने बताए । पीसविन नेपाल आभा परियोजना जिल्लाका त्रिवेणी,बुढीगंगा,बडीमालिका र गौमुल गाउँपालिकामा लागु भएको छ ।

परियोजनाले शिक्षा,स्वास्थ्यका क्षेत्रमा काम गर्दै आएको आभा परियोजना संयोजक पदमबहादुर कठायतले बताएका छन् ।उनले परियोजनाले शिक्षा र स्वास्थ्यलाई विशेष प्राथमिकतामा राखेकाले चार वटै पालिकामा स्वास्थ्य ऐन बनाएर यौन तथा प्रजनन स्वास्थ्यअधिकारको कार्य विधी बनाउन छलफल तथा संवादको आयोजना गरिएको जानकारी दिएका छन् ।

त्रिवेणी नगरपालिकामा बिहीबार आयोजना गरिएको यौन तथा प्रजनन स्वास्थ्य अधिकार संवाद कार्यक्रममा जिल्ला अस्पताल बाजुराकी अस्पताल नर्सिङ्ग निरिक्षक निशा रोकायाले जिल्लाको स्वास्थ्यको अवस्था  र त्रिवेणी नगरपालिकाको स्वास्थ्य क्षेत्रको विषयमा सहजीकरण तथा प्रस्तुती गरेकी थिइन् । उनले पालिकामा भएको संस्थागत सुत्केरी,गर्भवती महिलाको आइरन चक्कीको प्रयोग, र गर्भवती महिलाको नियमित चेकजाँचको विषयमा प्रस्तुती गरेकी थिइन् ।

यस्तै पत्रकार प्रेमबहादुर रौलेले आगामी आर्थिक वर्ष २०८२ / ०८३ मा स्वास्थ्य निती तथा ऐन बनाउन र यौन तथा प्रजनन स्वास्थ्य अधिकारको कार्य विधी बनाउनका लागि जनप्रतिनिधीहरु र शाखाका प्रमुखहरुसंग छलफल गरेका थिए । उनले स्वास्थ्य ऐन र यौन तथा प्रजनन स्वास्थ्य अधिकारका लागि कार्य विधी बनाउने प्रतिवद्धता सहितका लागि प्रश्नोत्तरको सहजीकरण गरेका थिए ।

त्रिवेणी नगरपालिकाका नगर प्रमुख कर्णबहादुर थापाको अध्यक्षतामा संचालन भएको कार्यक्रममा नगर उप प्रमुख कमला कुमारी जैशी(न्यौपाने),पालिकाका वडा अध्यक्ष,निमित्त प्रमुख प्रशासकी अधिकृत,कार्यपालिका सदस्य विषयगत शाखाका प्रमुख लगायत सहभागी थिए ।  नगरपालिकाको सभाहलमा भएको कार्यक्रममा पीसविन नेपालकी कोषाध्यक्ष पार्वती जोशीले स्वागत मन्तव्य राखेको थिइन् । कार्यक्रमको संचालन  आभा परियोजना संयोजक पदमबहादुर कठायतले संचालन गरेको थिए ।मालिका टुडेबाट….