छेडेदह र हिमालीलाई एम्बुलेन्स सहयोग

शनिबार काठमाडौंमा छेडेदह गाउँपालिकाका उपाध्यक्ष विसुदेवी नाथ र हिमाली गाउँपालिकाका अध्यक्ष गोविन्द्र बहादुर मल्ललाई एम्बुलेन्सको साँचो हस्तान्तरण गरिएको हो । नेपाल सरकारका संस्कृती तथा नागरिक उड्यन मन्त्री बद्रीप्रशाद पाण्डेको विषेश पहलमा भारतीय राजदुतावासले दुई गाउँपालिकालाई एम्बुलेन्स सहयोग गरेको उपाध्यक्ष विसुदेवी नाथले बताएकी छन् ।

भारत सरकारको सहयोगमा नेपालमा सञ्चालित विभिन्न विकास सम्बन्धीका परियोजनाको सराहना गर्दै यसले दुई देशबीचको जनता–जनताबीचको सम्पर्क र द्विपक्षीय सम्बन्धलाई निरन्तर सुदृढ बनाउँदै गएको मन्त्री पाण्डेका स्वकिय सचिव तालबहादुर रावतले बताएका छन् । यस्ता कार्यक्रम नेपाली जनताका लागि निकैै फाइदाजनक हुने उहाँले बताउनुभयो ।

स्वास्थ्य तथा शिक्षाको क्षेत्रमा पूर्वाधार विकास गर्न नेपाल सरकारले चालेका प्रयासलाई थप बलियो बनाउन नेपाल–भारत विकास साझेदारी कार्यक्रमअन्तर्गत भारत सरकारले सहयोग गर्दै आएको छ । खप्तड छेडेदह गाउँपालिका उपाध्यक्ष विसुदेवी नाथले भन्नुभयो,यो कार्यक्रम भारत र नेपालबीचको बलियो विकास साझेदारीकै एक अंशको रूपमा रहेको बताएकी छन् ।

भौगोलिक रूपमा नेपालभर फैलिएको यस कार्यक्रमले जनजीवनलाई सहज बनाउनुका साथै नेपालको विकास यात्रामा मूर्त प्रगति ल्याउन मद्दत गरेको उहाँले बताउनुभयो । बाजुराका दुर्गम पालिकामा एम्बुलेन्स दिएपछी यहाँका नागरिकहरुलाई राहत हुनेभएको छ ।