खप्तड छेडेदहले बाम्काका अग्नी पिडितलाई आर्थिक सहयाेग

बाजुरा: बाम्का बजारका आगलागी पिडितलाई खप्तड छेडेदह गाउँपालिकाले आर्थिक सहयाेग गरेकाे छ।

गाउँपालिकाले मङ्गलबार एक सूचना जारी गर्दै अग्नी पिडितहरुलाई राहत स्वरुप एक लाख रुपैयाँ सहयोग गरेकाे जनाएको छ ।

साथै आगलागीबाट भएको जनधनकाे क्षती प्रती गाउँपालिकाले दु:ख व्यक्त गरेकाे छ ।यस दु:खत घडीमा स्थानीय व्यवसायीकाे जिविकाेपार्जनमा भएको असर प्रती दु: ख प्रकट गर्दै गाउँपालिकाले उनीहरुकाे राहत,उद्दार तथा पुन: व्यवसाय सञ्चालन गर्नकाे लागी गाउँपालिकाले सङ्घ र प्रदेशमा आवश्यक पहल गर्ने बताएको छ । जिल्लाका अन्य स्थानीय तहहरुले पनि आवश्यक सहयाेग गर्नु पर्ने गाउँपालिका द्वारा जारी विज्ञप्तिमा भनिएकाे छ ।

अग्नीबाट पिडितहरुका लागि राहत वितरण तथा पुन:स्थापनमा सहयोग पुर्याउने उद्देश्यले साे रकम सहयाेग गरिएको छेडेदह गाउँपालिकाले जनाएको छ । विपत्ती आएका बेला सबै स्थानीय तहले सहयोग गर्नुपर्ने गाउँपालिकाका अध्यक्ष दिल बहादुर रावतले बताएका छन्।

बाम्का आगलागी पिडितकाे लागी अन्य पालिकाहरुले पनि आर्थिक सहयोगकाे प्रतिकद्दता गरेका छन्। अग्नि पिडितकाे लागी त्रीबेणी नगरपालिकाले १० लाख,बुढिगङ्गा नगरपालिकाले ५ लाख,हिमाली र स्वामिकार्तिक गाउँपालिकाले पनि एक/एक लाख बढि रकम सहयाेग गर्ने भएका छन्। साथै प्रदेश सरकारले ४० लाख सहयाेग गर्ने भएको छ । जिल्ला स्थिति सराेकारवाला निकाय,विभिन्न सङ्घ संस्थाहरुले सहयोग गर्ने जनाएका छन्।