स्वामिकार्तिक पूर्ण खोप सुनिश्चितता दिगोपना पालिका घोषणा

बाजुरा: कर्णाली पारिकाे पालिका स्वामिकार्तिकलाई पूर्ण खोप सुनिश्चितता दिगोपना पालिका घोषणा गरिएको छ । शुक्रबार गाउँपालिकालाई पूर्ण खोप सुनिश्चितता दिगोपना पालिका घोषणा गरिएको हाे।

गाउँपालिका स्वास्थ्य शाखाको आयोजनामा पालिकामा रहेका ५ वटै वडाका जन्मेदेखि ५९ महिनाका बालबालिकाहरुले सबै खालका खोप पाएको सर्वेक्षणपछि पालिकालाई पूर्ण खोप सुनिश्चितता दिगोपना घोषणा गरिएको गाउँपालिकाकाे स्वास्थ शाखाले जनाएको छ ।

गाउँपालिकाको ५ वटै वडाका जन्मेदेखि १५ महिनाका दुई सय २१ जना बालबालिका र १६ महिनादेखि ५९ महिनाका ६ सय ५४ जना बालबालिकाहरु नियमित रुपमा खोप पाइरहेकाले पूर्ण खोप सुनिश्चितता  दिगोपना घोषणा गरिएको स्वास्थ्य शाखाका प्रमुख भक्त बहादुर कैलाले बताए ।

राष्ट्रिय खोप तालिका अनुसार लगाउनुपर्ने पुरा खोप सबै बच्चाहरुले पाईरहेकाे कोही पनि बालबालिका खोपबाट बञ्चित नभएको स्वास्थ शाखा प्रमुख कैलाले बताउनुभयाे । स्वास्थ्य मन्त्रालयको खोप तथा रोग नियन्त्रण महाशाखाले तय गरेका मापदण्डहरू पूरा गरेपछि गाउँपालिकालाई पूर्ण खोप सुनिश्चितता पालिका घोषणा गरिएकाे हाे।

गाउँपालिकाका कार्यबहाक अध्यक्ष तथा पूर्ण खोप सुनिश्चितताका संयोजक अमरबहादुर सिंह अध्यक्षतामासंचालन भएको कार्यक्रममा  ५  वटै वडाका वडा अध्यक्ष, कर्मचारी लगायत सहभागीकाे सहभागीता रहेकाे थियाे। कार्यक्रमको संचालन गाउँपालिका प्रशासन शाखा प्रमुख कुमेर वहादुर शाहीले गरेका थिए ।

गाउँपालिकामा ८ सय ७५ जना बालबालिकालाई आवश्यक सबै नियमित खोप पाइरहेको छन्  । बालबालिकाले उमेर समुह अनुरुप पाउनु पर्ने पूर्ण खोप झाडा, पोलियो, दादुरा, टिटानस जस्ता घातक रोगहरूबाट बचाउने भएकोले यसको पहुँच सबैसम्म पुर्याउनु अत्यन्त जरुरी रहेको स्वास्थ्यकर्मीकाे भनाइ छ।

गाउँपालिकालाई पुर्ण खाेप तथा दिगाेपना गर्न सहयाेग गर्ने सम्पुर्ण स्वास्थकर्मी,अभिभावक तथा सरोकारवाला निकायहरूलाई गाउँपालिकाका अध्यक्ष भरत बहादुर रोकायाले धन्यवाद दिनुभएको छ।