खप्तड छेडेदहमा निस्सा वितरण सुरु

बाजुरा: खप्तड छेडेदह गाउँपालिकामा निस्सा वितरण कार्य सुरु गरिएको छ । गाउँपालिकाकाे वडा न. ५ र ७ मा निस्सा वितरण सुरु गरिएको हाे । वडा नं. ५ र ७ मा रहेको भूमिहिन दलित , भुमिहिन सुकुम्बासी र अब्यवस्थित बसाेबासीहरुकाे लागत संकलन कार्यबिधी २०८१ काे दफा ९ काे खण्ड (घ) काे अनुसुची ६ बमोजिमकाे निस्सा वितरण कार्यक्रम सम्पन्न भएको छ।

खप्तड छेडेदह गाउँपालिका वडा नं ५ का  ७० जना र वडा नं ७ का २४  गरि जम्मा ९४ जनालाई भूमि हिन दलित , भुमिहिन सुकुम्बासी र अब्यवस्थित बसाेबासीहरुलाई निस्सा बितरण गरिएको  भुमि समस्या समाधान आयाेग बाजुराका कम्प्युटर अपरेटर जय बहादुर रावतले बताउनु भएको छ।

५ नम्बर वडा अध्यक्ष जित बहादुर रावतको अध्यक्षतामा संञ्चालन भएको कार्यक्रममा गाउँपालिका अध्यक्ष दिल बहादुर रावत प्रमुख अथिती रहनुभएको थियो। यस्तै बिशिस्ट अतिथि , गाउँपालिका उपध्यक्ष बिशु नाथ, भुमि समस्या समाधान आयाेग बाजुरा अध्यक्ष जनक  बहादुर राेकाया, सदस्य मन देवी वली , वडा सदस्य , अमिन ललित थापा, लगायतकाे सहभागी रहेको थियो।

यस्तै वडा. नं.७  का २४ जना लाई  पनि निस्सा वितरण गरिएको हाे । ७ नम्बर वडा अध्यक्ष खगेन्द्र बहादुर रावतकाे अध्यक्षतामा संचालन भएको निस्सा वितरण कार्यक्रमकाे नेकपा एमाले जिल्ला अध्यक्ष लाल बहादुर ओली प्रमुख अतिथि रहनु भएको थियोे  ।

कार्यक्रममा वडा सदस्य रण ओली ,भुमि समस्या समाधान आयाेग बाजुरा अध्यक्ष जनक  बहादुर राेकाया, सदस्य मन देवी वली , पालिका भुमि शाखा अमिन ललित थापा, लगायतकाे सहभागी रहेको कार्यक्रमकाे संचालन भुमि शाखा  पालिका संयाेजक शेर बहादुर बुढाले गरेका थिए ।