कोल्टीबाट धुलाचौर जादै गरेको जिप सिउडी खोलामा दुर्घटना,६ जना घाइते

बाजुराः हिमाली गाउँपालिकाको केन्द्र धुलाचौर नजिकै सिउडी खोलामा शुक्रबार जीप दुर्घटना भएको छ । कोल्टीबाट धुलाचौर जाँदै गरेकोको म १ ज २३३ नम्बर जिप दुर्घटना भएको हो ।  दुर्घटना हुँदा ६ जना घाइते भएका छन् ।

घाइते हुनेमा चालक  हिमाली गाउँपालिका २ का २० वर्षीय सबिन बोहरा,वडा नम्बर ५ कि १८ वर्षीय रंंगिता बुढा,१८ वर्षीय जुनिता बुढा,२९ वर्षका विवेक बुढा, हिमाली गाउँपालिका ६ कि २२ वर्षीया अस्मिता शाही र १८ बर्षिय विज्ञान सार्की रहेका छन् । घाइतेहरुको टाउको,मुख हात लगायत ठाउँमा चोटपटक लागेको छ ।

जिप एक्कासी अनियन्त्रित भएर सडकबाट करिब १ सय ५० मिटर तल कर्णाली नदी माथी रुखमा अड्किएको प्रहरीले जनाएको छ ।घाईतेहरुलाई हिमाली गाउँपालिकाकाे एम्बुलेन्स द्वारा उपचारकाे लागी काेल्टी अस्पतालमा लगिएको छ।