रानीवन युवाक्लव द्वारा आयोजित “बोक्याकपको” उपाधी गौमुललाई

बाजुरा-  जिल्लाको खप्तड छेडेदह गाउँपालिका वडा नम्बर ६ सुदाडामा रेहेको रानीवन युवाक्लब द्वारा आयोजित “बोक्याकपको” उपाधी गौमुल A ले जितेको छ ।

बिहिवार एक औंपचारीक कार्यक्रमका बिच जाल्पादेवी माध्यामिक विद्यालयको खेल मैदानमा सञ्चालन गरिएको बोक्याकप खुला भलिवल प्रतियोगीताको उपाधी गौमुल A ले हात पारेको क्लवका अध्यक्ष गोपाल बिष्टले बताएका छन्।

“ समुदाय स्तरमा नयाँ खेलाडीहरुको पहिचान गरि तिनिहरुलाई थप खेल प्रती आकर्षित गर्न सञ्चालन गरिएको बोक्याकप खुला भलिवल प्रतियोगिताको गौमुल A ले उपाधी जित्न सफल भएको उनले बताए ।

खेल प्रतियोगितामा जम्मा ११ वटा टिम सहभागी रहेका थिए भने हिजो उद्घाटनको दिन ४ वटा टिम बाहिरिएका थिए। आज पुन भएको खेलमा अन्य टिमलाई हराउँदै “बोक्याकपको” उपाधी गौमुल A ले जितेको हो । विजेतालाई प्रमाण पत्र सहित बोका उपहार दिईएको आयोजक रानिवन युवाक्लवले जनाएको छ।