गौमुलमा भिरबाट लडेर ३३ बर्षिय धामी गम्भीर घाइते

बाजुराः जिल्लाको गौमुल गाउँपालिकामा भिरबाट लडेर एक युवक गम्भीर घाइते भएका छन । वडा. नम्बर ३ पातेका ३३ बर्षिय चन्द्र बहादुर धामी भिरबाट लडेर गम्भिर घाइते हुन् ।  जडीबुटी संकलन गर्ने क्रममा शनिबार साँझ ५ बजेतिर भीरबाट लडेर गम्भीर घाइते भएको आफन्त गणेश बहादुर धामीले बताए ।

बाजुरा र बझाङ जिल्लाको सिमाना पर्ने घोडिलेखको मालिका भन्ने लेखमा जडिबुटी संकलन गर्ने क्रममा भिरबाट खसेर धामी घाईते भएको बताइएको छ । धामीलाई उद्धार गरि थप उपचारका लागि जिल्ला अस्पताल बाजुरा ल्याउन लागिएको बताइएको छ ।