“कञ्चनपुर पर्यटन महोत्सव ” मा बुधबार देउडा गायक थापा लगायतको प्रस्तुती रहने

बाजुराः १६ औँ सुदुरपश्चिम प्रदेश स्तरिय औद्योगिक ब्यापार मेला तथा “कञ्चनपुर पर्यटन महोत्सव ” २०८१ मा बुधबार चर्चित देउडा गायक कोकलकण्ठि श्वरका धनी प्रकाश थापा लगायतको प्रस्तुती रहने भएको छ । ‘कृषि, उत्पादन र स्वरोजगारः आर्थिक समृद्धिको आधार’भन्ने मुल नाराका साथ सञ्चालन भईरहेको १६ औँ सुदुरपश्चिम प्रदेश स्तरिय औद्योगिक ब्यापार मेला तथा “कञ्चनपुर पर्यटन महोत्सव ” २०८१ मा बुधबार गायक थापाको प्रस्तुती रहने भएको हो ।

गायक थापा संगै गायिका सिर्जना खत्री,गायक रामजी खाँड,गायक अमृत नाथ,नृत्यकार अनु खड्का,हास्यकलाकार हेमराज अधिकारी(अन्ट्याखलास) भिम बिष्ट (अछामी रेखा) लगायतको प्रस्तुती रहने भएको छ ।कञ्चनपुर उद्योग वाणिज्य सङ्घको आयोजनामा १० दिनसम्म महोत्सव चल्ने भएको हो । सुदूरपश्चिम प्रदेश स्तरीय औद्योगिक व्यापार मेला तथा कन्चनपुर महोत्सवमा दुई सय भन्दा बढी स्टल र २० फुड स्टल छन् ।महोत्सवमा स्थानीय स्तरमा उत्पादित वस्तुका स्टलहरु निःशुल्क उपलब्ध गराइने उद्योग वाणिज्य संघका कैलालीले जनाएको छ ।

१० दिन सम्म संचालन हुने मेलामा २ लाख बढी दर्शकले अवलोकन गर्ने अपेक्षा वाणिज्य संघले गरेको छ । महोत्सवमा स्थानीय तथा राष्ट्रिय कलाकारहरूको प्रस्तुति रहने छ । महोत्सवका स्टलहरूमा लघु उद्योग, कृषि, गार्मेन्ट, वैकल्पिक ऊर्जा, पर्यटन प्रवर्द्धन, उपभोग्य सामग्री, कृषि औजार, सूचना प्रविधि, विद्युतीय सामग्री, शिक्षा, स्वास्थ्य सेवा लगायतका उत्पादन तथा सेवाहरू प्रदर्शनमा राखिएका छन् । बालबालिकाका लागि बाल उद्यान र विविध मनोरञ्जनात्मक कार्यक्रमहरू पनि समावेश गरिएको छ ।

फागुन १४ गते बुधबार प्रस्तुती दिने कलाकारहरु….