रजाताेलीमा स्थानीय पर्व (भुवाे)भब्यताका साथ मनाईदै

गोबिन्द्र राज तिमिल्सेना,बाजुरा:   जिल्लाको बडिमालिका नगरपालिका वडा.नं ७ रजातोलीमा भुवा पर्व भब्यताका साथ मनाईने भएको छ । भुवा पर्व हामी सबैको गर्व भन्ने मुल नाराका साथ यो बर्ष यहि पौष १४ गतेदेखि १७ गतेसम्म भब्यताका साथ संञ्चालन गरिने भुवा पर्व मेला ब्यबस्थापन समितिले जनाएको छ ।

सुदूरपश्चिमका पहाडी जिल्लामा मनाइने साँस्कृतिक पर्व ‘भुवा’ बिषेश गरी बाजुरा जिल्लाको बडिमालिका ७ रजातोलीमा भब्यताका साथ मनाइने गरीन्छ । महाभारतको कथा र पाण्डव र कौरवको युद्ध गाथामा आधारित भुवा पर्वलाई स्थानीयले ‘भस्सो’ पनि भन्ने गरेका छन् ।जिल्लाको बडिमालिका नगरपालिका ७ रजातोलीमा सदा बर्ष यो पर्वलाई धुमधामका साथ मनाइदै आएको छ ।

भुर्वा पर्वको लागी आबश्यक पर्ने सम्पुर्ण सामाग्री लगायत भुवा पर्वमा देउडा खेलाडीहरुको पनि टुंगो लागीसकेको भुवा पर्व ब्यबस्थापन समितिका संयोजक उमाकान्त उपाध्यायल जानकारी दिनुभएको छ ।उनका अनुसार भुवा पर्वमा कैलालीकाे लम्किचुहा नगरपालिका ४ घर भएकी नम्रता जाेशि र हुम्लाकाे ताजाकाेट गाउँपालिका घर भएका देउडा खेलाडी अक्क बहादुर कार्कि बिच घम्साघम्सि देउडा खेल हुने बताएका छन् ।

परम्परागत काल देखि मनाइदै आएको यो पर्वलाई यो बर्ष पनि भब्यताका साथ सम्पन्न गर्ने तयारी अगाडी बढीरहेको उहाँले बताए ।भुवा पर्व यहि मिति २०८१ पौष १४ गते बाट सुरु भई पौष १७ गते समापन गरीने आयोजक भुवा पर्व ब्यबस्थापन समितिले जनाएको छ । भुवा पर्वलाई थप ब्यबस्थित बनाउन स्वयमसवक परिचालन गरी भुर्वा पर्व अबधिभर मदिरा बिक्री बितरण सेवनमा रोक समेत लगाइएको आयोजकले जनाएको छ । यदि कोहि कसैले भुवा पर्व अबधिभर जाँड,रक्सि खएर होहल्ला गरी,भुवा पर्व बिथोल्न खोज्ने जो सुकैलाई पनि कडा भन्दा कडा कार्बाही गरीने आयोजकले बताएको छ ।

भुवा पर्व पुसे औँसीको अघिल्लो मध्यरातबाट सुरु हुन्छ । जसको आफ्नै ऐतिहासिक पक्ष रहेको छ ।महाभारतमा पाण्डव र कौरवबीचको युद्धदेखि यो पर्व आरम्भ भएको जनविश्वास रहँदै आएको छ । सोही लडाइँको सम्झनामा तथा पाण्डवहरूको जितको खुसियालीमा यो पर्व मनाउन थालिएको हो । यो पर्वमा ढाल र तरबारसहित चाली खेल्ने प्रचलन रहँदै आएको छ । यो पर्वको मुख्य आकर्षक पक्ष नै ‘भुवा नाच’ रहेको र यसको सुरुदेखि समाप्तिसम्म आफ्नै विधि प्रक्रिया रहेको गाँउका स्थानियले बताउने गरेका छन ।

पुसे औंसीको राति भुवाखाडोमा आगो बालेपछि यो पर्व सुरु हुन्छ । स्नान गरी बालिएको आगो तापेर घरमा मीठो–मसिनो खाना बनाइ खाइन्छ । सोही रात र प्रतिपदाका दिन लत्ताकपडा धुने र आफ्ना ढाल तरबारलाई चम्किलो बनाउने काम गरिन्छ । ढाल कालोले रङ पोतिन्छ भने तरबारलाई धारिलो र चम्किलो बनाइन्छ । मुडा बालेको रातभर देउडा खेली भोली बिहान भारी खेलहरु खेल्ने प्रचलन रहेको छ ।

आयोजक भुवा पर्व ब्यबस्थापन समितिले यो बर्षको भुवो पर्वलाई थप धुमधाम बनाउन बिभिन्न ठाँउबाट पत्राचार समेत गरीसकेको छ । भुर्वा पर्वलाई थप ब्यबस्थित,मर्यादित र भब्यताका साथ सु- सम्पन्न गर्न वडाबासि सम्पुर्णकाे उपस्थितकाे लागी आग्रह गरिएको छ ।