महोत्सवमा आज नरेन्द्र रेग्मी, भुवन दाहाल लगायतको प्रस्तुति रहने

गोबिन्द्र राज तिमिल्सेना,असोज ७,बाजुराः सुदूरपश्चिम सांस्कृतिक महोत्सवमा सोमबार ७ गते बरिस्ठ देउडा गायक तथा सर्जक नरेन्द्र राज रेग्मी,भुवन दाहाल लगायतको प्रस्तुती रहने भएको छ । राष्ट्रिय संगीतकर्मी संघ सुदूरपश्चिम प्रदेशले आयोजना गरेको उक्त महोत्सवमा सोमबार बरिस्ठ देउडा गायक नरेन्द्र राज रेग्मी,देउडा गायक भुवन दाहाल, लोकप्रीय गायक सुनिल नेपाली,गायक अमृत नाथ,सौगात ओझा,सुरेश,समीर परियार लगायतको बजोड प्रस्तुती रहने भएको हो ।

“हाम्रो कला र संस्कृति गौरवपुर्ण शान,कलाकर्मिको उत्थानको लागी हाम्रो अभियान ” भन्ने मुल नाराका साथ धनगढीको खुल्ला मञ्चमा सञ्चालन गरिएको उक्त सांस्कृतिक महोत्सव यहि अशोज ८ गतेसम्म सञ्चालन हुने भएको छ । महोत्सवमा ५ गते चर्चित गायिका समिक्षा अधिकारी लगायतको बेजोड प्रस्तुती रहेको र अशोज ६ गते चर्चित गायिका एलिना चौहान लगायत अन्य कलाकारहरुका बेजोड प्रस्तुती रहेको आयोजक राष्ट्रिय संगीतकर्मि संघ सुदुरपश्चिम प्रदेशले जनाएको छ ।

खुला मञ्च (पुरानो एअरर्पोट) मा आयोजना भएको सांस्कृतिक महोत्सवमा असोज ४ गते गायक टेक विसी,आशिष महर,सुदिर जैरु,सनम परियार,कोपिला सिंह लगायतले प्रस्तुति राखेका थिए।त्यस्तै महोत्सवको ५ गते समिक्षा अधिकारी लगायतको प्रस्तुती रहेको थियो त्यस्तै ६ गते एलिना चौहान लगायत अन्य स्थानीय कलाकारका प्रस्तुती रहेका थिए भने आज महोत्सवमा चर्चित बरिस्ठ देउडा गायक नरेन्द्र राज रेग्मी,देउडा गायक भुवन दाहाल,सुनिल नेपाली,अमृत नाथ,सौगात ओझा,समीर परियार लगायतको प्रस्तुति रहनेमहोत्सव आयोजक मुल समारोह समितिले जनाएको छ ।

“कलाकारको लागी कलारकार” भन्ने मुख्य उदेश्यका साथ महोत्सवको आयोजना गरिएको महोत्सव मुल आयोजक समिति अध्यक्ष गगनबहादुर सिंहले बताएका छन् । सुदुरपश्चिमको कला,संस्कृति संगै कलाकर्मिहरुको उत्थानको लागी महोत्सवको सञ्चालन गरिएको अध्यक्ष सिंहले बताएका छन् । साथै राष्ट्रिय संगीतकर्मि संघ डोटी जिल्लाका अध्यक्ष सर्जक तथा गायक गोपाल सुचिकारको छोरा अमन सुचिकारको ढाडमा समस्या भएकोले उनको उपचारमा केहि सहयोग गर्नको लागी महोत्सव आयोजना गरिएको उनले बताए ।

महोत्सवलाई सब्य भब्य तथा सुसम्पन्न गर्न सबैले आ आफ्नो ठाउँबाट सक्दो सहयोग गर्न हुन् पनि अध्यक्ष सिंहले आग्रह गरेका छन् ।ब्यबसायिक रुपमा नभई कसैको सहयोगको लागी महोत्सव आयोजना गरिएको आयोजक राष्ट्रिय संगीतकर्मि संघ सुदुरपश्चिम प्रदेशले जनाएको छ । राष्ट्रिय संगीतकर्मि संघ सुदुरपश्चिम प्रदेश अध्यक्ष गगनबहादुर सिंहको अध्यक्षतामा सुरु भएको सांस्कृतिक महोत्सवको उद्धघाटन महोत्सवका प्रमुख अतिथि सुदुरपश्चिम प्रदेश सामाजिक विकाश मन्त्री मेघराज खड्काले गर्नु भएको थियो । महोत्सव उद्धघाटनको पहिलो दिन खासै दर्शकहरुको भिड नरहे पनि दोस्रो दिनबाट दर्शकहरुको संख्यामा बृद्धि भएको आयोजकले जनाएको छ।महोत्सवमा दहाल आल्मुनयिम एण्ड पस्टल उद्योग प्रयोजक रहेको छ ।

त्यस्तै होटल रिस्ता,होटल हिमाली,होटल हिलटन होटल पार्टनरको भुमिकामा रहेका छन् । त्यस्तै महोत्सवमा न्युज नेपाल टेलिभिजन,मुन अनलाइन टि.भी,खबर एण्ड लाइफ,सुर्दशन टेलिभिजन,रेडियो पश्चिम टुडे,दैनिक जिनव डटकम,एभरेष्ट टेलिभिजन,सनराइज टेलिभिजन,टि.भी.टुडे,करिस्मा मल्टिमिडिया कल २४ लगायत मिडिया पार्टनरको भुमिकामा रहेका छन् ।महोत्सवमा मुख्य प्रर्बदक सामाजिक विकाश मन्त्राल सुदुरपश्चिम प्रदेश छ भने सहायक प्रर्बदकमा सुदुरपश्चिम प्रज्ञा प्रतिष्ठान रहेको छ । राष्ट्रिय संगीतकर्मि संघ सुदुरपश्चिम प्रदेशको आयोजनामा धनगढी उपमहानगरपालिका वडा.नम्बर.१ खुला मञ्च (पुरानो एअरर्पोट) मा आयोजना गरिएको उक्त सांस्कृतिक महोत्सव यहि असोज ८ गतेसम्म सञ्चालन हुने भएको छ ।