सन नेपाल लाइफ इन्स्योरेन्स क.लि.को सातौ बार्षिकोत्सव सम्पन्न ,

बाजुरा :  सन नेपाल लाइफ इन्स्योरेन्स कम्पनी लिमिटेडको सातौ बार्षिक उत्सव विभिन्न कार्यक्रमका साथ सम्पन्न भएको छ । सन नेपाल लाइफ इन्स्योरेन्स कम्पनी लिमिटेडले आफ्नो सातौ बसन्त पुरा गर्दै आठौँ बशन्तमा प्रवेशको शुभ अवसरमा देशै भरीका शाखा तथा उप शाखाहरुमा विभिन्न कार्यक्रम गरी बार्षिक उत्सव मनाएको हो । यसै क्रममा सन नेपाल लाइफ इन्स्योरेन्स कम्पनी लिमिटेड बाजुरा उपशाखाले पनि आफ्नो सातौँ बार्षिकोत्सव त्रिवेणी नगरपालिकाको सभा हलमा सम्पन्न गरेको बाजुरा उपशाखा प्रमुख हेमन्त नाथले बताएका छन ।
सन नेपाल लाइफ इन्स्योरेन्स कम्पनी लिमिटेड नेपाल सरकार कम्पनी रजिस्टारको कार्यालयमा कम्पनी ऐन २०५३ अनुसार दर्ता भई मिति २०७४ साल असोज ६ गतेका दिनबाट आफ्नो औपचारीक रुपमा व्यवसाय प्रारम्भ गरेको हो भने आज मिति २०८१ साल असोज ६ गतेको दिन सातौ बशन्त पार गरी आठौँ बसन्तमा प्रवेश गरेको बाजुरा उप शाखाले जनाएको छ ।

सन नेपाल लाइफ इन्स्योरेन्स क.लि. बाजुरा उपशाखा प्रमुख हेमन्त नाथको अध्यक्षतामा एक औपचारीक कार्यक्रमका साथ कम्पनीका अभिकर्ता तथा विमितहरुसँग अन्तरक्रिया गरी आफ्नो बार्षिकोत्सब मनाएको हो । बाजुरा जिल्लाको त्रिवेणी नगरपालिकाको सभाहलमा सम्पन्न उक्त कार्यक्रममा त्रिवेणी नगरपालिका नगर प्रमुख कर्ण बहादुर थापा प्रमुख अतिथि रहनु भएको थियो भने नगर उप प्रमुख कमला न्यौपाने , नगर प्रवत्ता मिन भण्डारी , नेपाली काँग्रेस नगर सभापती विशिष्ट अतिथि रहनु भएको थियो । यस्तै त्रिवेणी नगरपालिका एक देखी १० वडा सम्म दश नम्वर सम्मका वडा अध्यक्षहरु अतिथि रहनु भएका हुन । कार्यक्रमका प्रमुख अतिथि नगर प्रमुख कर्ण बहादुर थापाले ब्यानर पढेर र केक काँटेर सातौ बार्षिकोत्सको उद्घाटन गरी मनाइएको हो ।

सन नेपाल लाइफ इन्स्योरेन्स कम्पनी लिमिटेड बाजुरा उपशाखाको आयोजनामा सातौ बार्षिकोत्सब समारोहको प्रमुख अतिथि तथा त्रिवेणी नगरपालिका नगर प्रमुख कर्ण बहादुर थापाले समुदायसँगको कदमी उठाउँदै समुदाय समुदायमा छाएको यस सन नेपाल लाइफ इन्स्योरेन्स क. लि.ले सानो सानो रकम संकलन गरी जीवनमा आउने ठूला जोखिमहरुको न्युनिकरण गरीरहेको र जीवभरको सुरक्षा गरीरहेको बताउनु भएको छ । सबै भन्दा ठूलो जीवन हो त्यसैले जीवनको सुरक्षाको लागी आजैबाट जीवन बीमाको सुरुवात गर्नुपर्ने उहाँको भनाइ रहेको छ । सन नेपाल लाइफ इन्स्योरेन्स कम्पनीमा आफु र आफु सँगका जनप्रतिनिधी र त्रिवेणी नगरपालिकाका समुदायको मानिसहरुलाइ जीवन बीमा गर्न लगाउने र पालिकाबाट सकिने सहयोगका लागी पछी नहट्ने कुराको प्रतिवद्धता समेत जनाउनु भएको छ । यस्तै त्रिवेणी नगरपालिका उप प्रमुख तथा कार्यक्रमका विशिष्ट अतिथि कमला देवी न्यौपानेले यस कम्पनाीको उत्तरोत्तर प्रगतीको कामना सहीत आफु जहाँ जीवन बीमा त्यहाँ बीमाले धन सम्पतीको मात्रै सुरक्षा नगर्ने र सधै भर जीवनको सुरक्षा गर्छ त्यस कारण जीवन वीमा गर्न जरुरी रहेको बताउनु भएको हो । यस्तै यस सन नेपाल लाइफ इन्स्योरेन्स कम्पनीले हाल सम्म विभिन्न समुदायमा समुदायसँग उठान गर्दै विभिन्न प्रकारका वीमाहरु गर्दै आएको हूँदा यस सन नेपाल लाइफ इन्स्योरेन्स कम्पनीमै जीवन वीमा गर्ने अन्य बत्ताहरुले प्रतिवद्धता सहीत गरेको छन । हाल विश्व जगतमा वीमा नभएको कुनै चीज नै छैन सजीव देखी निर्जिव सम्मका सबैको लागी जीवन बीमा छ र वीमा गर्न अपरीहार्य रहेको कार्यक्रमका अतिथी एवम् त्रिवेणी नगरपालिका नगर प्रवत्ता मीन भण्डारीले बताउनुभएको छ ।

हाल मानव जीवनमा जोखिम कहाँ र कतिखेर आउँछ कसैलाइ थाहा भएको र यसको न्युनिकरणको लागी जीवन वीमा अनिवार्य रहेको कार्यक्रमका अतिथि तथा नेपाली काँग्रेस नगर सभापती सुरेन्द्र गिरीले बताएका छन । सन नेपाल लाइफ इन्स्योरेन्स कम्पनी लिमिटेडको बार्षिकोत्सब कार्यक्रममा बीमासँग सम्बन्धीत अभिकर्ता , एजेन्सी , लगायत पालिकाका कर्मचारी सहित भब्य सहभागीता रहको थियो । त्रिवेणी नगरपालिकाको सभा हलमा सम्पन्न सातौ बार्षिकोत्सब कार्यक्रमको संचालन एजेन्सी जय बहादुर रावले गरेका थिए ।