(कुसुम कान्छोका) पाँच मुक्तक

गोबिन्द्र राज तिमिल्सेना(कुसुम कान्छोका) पाँच मुक्तकहरु
१ः
निस्कियो मुखबाट उसलाई यार भन्दिए
फेरी जान्दा जान्दै पनि लगातार भन्दिए
अनेक थरी जालझेल गरेर जित्नु भन्दा ,
उसकै जित भयो अनि मैले हार भन्दिए ।।

२ः
तिम्रो जस्तो अरुको सम्पत्ति लुट्न मलाई आउँदैन्
डर धम्की देखाएर मान्छेहरु कुट्न मलाई आउँदैन्
जुनिजुनी सम्म पनि एकसाथ भएर हिड्ने मान्छे हु,
तर तिमी जस्तो बाटो मोडेर छुट्न मलाई आउँदैन्।।

३ः
दिनभर काम नगरेर फत्ताउँनु कसले सिकायो
घरिघरी अरुकै बारेमा गाउँनु कसले सिकायो
अघिपछि अरुको त वास्ता नै नगर्ने तिमिलाई,
दुःख पर्दा मात्रै नजिक आउँनु कसले सिकायो।।

४ः
टाढा गए नि फेरी आउँनु तिमिले पर्छ
अन्तमा मेरै हात समाउँनु तिमिले पर्छ
भनेको मान्छौ भने ठिकै छ केही हुन्न,
नत्र जुनिभर दुस्ख पाउँनु तिमिले पर्छ।।

५ः
आखिर मलाई कसैको घर चाहिदैन्
गाउँ घरमै बस्छु कुनै शहर चाहिदैन्
भो तिमी नहुँदा पनि बाच्न सक्छु म,
अब- तिमि पाउँन कुनै वर चाहिँदैन्।।