अज्ञात ब्यक्तिद्धारा घट्मुनामा रहेको कुमारी बैंक तोडफोड,बजारमा रहेका पशल सहित सहकारीमा चोरी

बाजुराः गौमुल गाउँपालिकामको केन्द्र घट्मुनामा रहेको कुमारी बैंक अज्ञात व्यक्तिले तोडफोड गरेको छ । कुमारी बैंक तोडफोड गरिनुका साथै चार वटा पसल समेत चोरी भएको जिल्ला प्रहरी कार्यालय बाजुराले जनाएको छ ।मध्ये राति करिब दुई बजेको समयमा अज्ञात व्यत्तिले बैंकको मुल ढोका तोडफोड गरेको छ । शाखा बैंकमा रहेको सिसी क्यामरामा देखिए अनुसार उक्त व्यक्तिले बैंकभित्र प्रवेश गरी सिसी क्यामरा जडान गरिएको कम्प्युटर लिएको बैंकका प्रबन्धक शितल रावतले बताएका छन् ।

बैंकमा १ जना मात्र सुरक्षाकर्मी भएको र उनको डिउटी राति ८ बजेसम्म मात्र भएकोले त्यहीँ मौका छोपी अज्ञात व्यक्तिले बैंकको मुल ढोका तोडफोड गरी बैंक भित्र प्रवेश गरेर बैंकको कम्प्युटर लिएको बताइएको छ । पालिका नजिकै रहेको बैंक सहित बजारका चार पसलमा लत्ता कपडा समेत चोरी भएको बताइएको छ । बजारमै रहेको सूर्योदय बहुउद्देश्यीय सहकारी संस्था लिमिटेडको नगद ५० हजार समेत चोरी भएको अध्यक्ष श्याम रोकायाले बताएका छन् ।बैंक तोडफोड गर्ने व्यक्तिको अनुहार सिसी क्यामरामा पहिचान भइरहेकाले तत्काल खोजी कार्य गरी पक्राउ गर्ने तयारी रहेको प्रहरीले जनाएको छ ।