“बहसमा बार्जु,बाजुरा महोत्सव”मा मंगलबार गायक भट्टराई संगै शाउँद र ऐडीको प्रस्तुती रहने

गोबिन्द्र राज तिमिल्सेना,बाजुराः सुदूर साहित्य प्रतिष्ठान बाजुराको आयोजनामा जिल्ला सरमुकाम मार्तडीमा संञ्चालनमा रहको “बहसमा बार्जु,बाजुरा महोत्सव”२०८१ मा महोत्सव मंगलबार बहुचर्चित गायक रमेशराज भट्टराईको प्रस्तुती रहने भएको छ । मंगलबार गायक भट्टराई संगै चर्चित हास्य कलाकार जनक शाउँद (अछामी माग्ने बुढा) र स्थानिय कलाकार (डान्सर) सर्मिला ऐडी लगायतको बेजोड प्रस्तुती रहने आयोजक सुदूर साहित्य प्रतिष्ठान बाजुराले जनाएको छ ।

सोमबार कार्यक्रममा चर्चित गायिका राधिका हमाल,गायक ध्वज महरा, रअंकुश विसि लगायत अन्य स्थानिय कलाकारका बेजोड प्रस्तुती रहेका थिए ।भने मंगलबार कार्यक्रममा देशकै ख्यातिप्राप्त बहुचर्चित गायक रमेशराज भट्टराई,हास्यकलाकार जनक शाउँद (अछामी माग्ने बुढा) र डान्सर सर्मिला ऐडी लगायत अन्य स्थानिय कलाकारका बजोड प्रस्तुती रहने आयोजक सुदुर साहित्य प्रतिष्ठानले जनाएको छ । जिल्लाको कला साहित्य र स्थानीय संस्कृतिको संरक्षण तथा प्रवद्र्धन गर्नको निमित्त महोत्सव संञ्चालन गरीएको प्रतिष्ठानका सचिव कृष्ण वलीको भनाई रहेको छ । महोत्सवमा जिल्लाका प्रत्येक पालिकामा बनाईएका चोयाबाट बनेका डोका,डाला,सुपा पाल्ता,छाप्री अल्लो तथा भाँगोबाट बनेका बोल्ला,राडी,गलैचा,पाखी,टोपी कृषि उत्पादन ,रैथाने बाली,स्थानिय संस्कृति झल्काउने,मागल हुड्क्यौली,भुवा,अनन्ते लगायतका खेलहरु समेत प्रर्दशनी गरीने सचिव वलीको भनाई रहेको छ ।

त्यस्तै महोत्सवमा बक्तृत्वकला प्रतियोगिता,गजल उत्सव,साहित्य साँझ,एकल गायन, बिभिन्न सांस्कृतिक कार्यक्रम,चित्रमा बाजुरा फोटो प्रर्दशनी,देउडा लाइफ,स्थानिय झाँकी प्रर्दशन,निबन्ध प्रतियोगिता,बिभिन्न नेता कार्यकर्ताहरुसंग बहस,स्थानिय जनप्रतिनिधि संग बहस,कृषि उत्पादन,जडिबुटी,बाजुराको सांस्कृतिक तथा राजनितिक ईतिहास बिषयक कार्यपत्र प्रस्तुत,बाजुराको बिकाश,पद र पुहँचको असर लगायत स्रष्टा,सर्जक,उद्यमी,सामाजिक अगुवा र युवा नेतालाई सम्मान कार्यक्रम रहने आयोजक सुदुर साहित्य प्रतिष्ठान बाजुराले जनाएको छ । महोत्सव आउँदो जेठ ८ गतेसम्म संञ्चालन हुने भएको छ ।