नेता बनेर न खोला छाडे न बगर छाडे,

~गजल~

नेता बनेर न खोला छाडे न बगर छाडे,
बरू हाम्रै युवाहरू आ-आफ्नै घर छाडे।

गाउँमा सुनसान छ अचेल भेटिदैन युवा,
उहिलेको जस्तो गाउँमा बस्ने रहर छाडे।

खोला विक्रि भए आकासले नि पताएन,
किसानहरूले पनि जमिनको भर छाडे।

अब यहाँ सबै काम कमिसनमा हुनेभयो,
सही बिचारमा लेख्न अचेल खबर छाडे।

अनुसाशनभित्र बस्न कसैलेपनि खोज्दैन,
केटा केटीहरू समेत समाजको डर छाडे।

जेपनि हुनसक्छ अचेल मानिसको स्वार्थ,
पुरा गर्न धर्म कर्म जात छाडे र थर छाडे।।