बुढीगंगामा नगर – उपप्रमुख कोसेली कार्यक्रम प्रभावकारी बन्दै

बाजुराः जिल्लाको बुढीगंगा नगरपालिकामा नगर उपप्रमुख कोसेली तथा बहुक्षेत्रिय पोषण कार्यक्रम अन्तरर्गत सुत्केरी तथा गर्भवती लाई पोषण सामाग्री बितरण गर्ने कार्यक्रम  पछिल्लो समय प्रभावकारी बन्दै गएको छ । पालिकामा कोहि गर्भवती तथा सुत्केरी महिला छन् भन्ने थाहा पाउने बितिक्कै नगर उपप्रमुख माया कुँवर खड्का सुत्केरी तथा गर्भवतीको घर दैलामा पूग्ने गर्नुभएको छ ।

पालिकामा रहेका सुत्केरी महिला तथा गर्भवतीलाई कोसेलीमा १ क्यारेट अण्डा, २ केजी चना, २ पोका तेल, २ पोका नुन र फलफूल साथमा लगेर उपप्रमुख सुत्केरीको घरदैलोमा जानुहुन्छ । उपप्रमुख खड्काले पाँच / छ दिनभित्रै नगरपालिकाको १,२ र ३ वडाका १ सय ३० जना सुत्केरी तथा गर्भवतीलाई कोसेली प्रदान गर्नुभएको छ । पालिका भरीका १० वटै वडाका ५ सय ७५ सुत्केरी तथा गर्भवती महिलालाई सुत्केरी तथा गर्भवती महिलाहरुलाई बितरण गरीने बताइएको छ ।

नगर उपप्रमुख कोसेली कार्यक्रम अन्तर्गत सुत्केरी,गर्भवतीलाई कोसेली बाड्नुका साथै गर्भवती र सुत्केरी अवस्थामा अपनाउनुपर्ने सावधानीका विषयमा पनि उपप्रमुख खड्काले छलफल गर्नुहुन्छ र सिकाउनुहुन्छ । ,बुढीगंगा नगरपालिका–१ वडाको स्वास्थ्य चौकीबाट वितरण सुुरु गरिएको नगर उपप्रमुख कोसेली तथा बहुक्षेत्रिय पोषण कार्यक्रम’ अन्तरर्गत पोषण कोसेली वितरण कार्य अहिले पनि जारी रहेको छ ।