भिर बाट लडेर एक महिलाको मृत्यु

बाजुरा,१चैत /राजेन्द्र विक : बाजुरामा भिर बाट लडेर एक महिलाको मृत्यु भएको छ।मृत्यु हुनेमा बडिमालिका नगरपालिका वडा नम्बर ५ मनाका चन्दे साउँदकी ४५ बर्षिया श्रीमती दुरा साउँद रहेकी मना शहरी स्वास्थ्य केन्द्रका प्रमुख छत्र साउँदले जानकारी दिनुभयो।
बुधबार गाउँ नजिकैको दल्लेडी भन्ने जंगलमा घाँस काट्न गएका बेला भिर बाट लडेर गम्भीर घाइते साउँदलाई घर पुर्याएर उपचारका लागि सदरमुकाम मार्तडी ल्याउनै लाग्दा गाउँमै निधन भएको स्थानिय नेत्र थापाले बताउनुभयो। भौगोलिक बिकटता रहेको मना गाउँ लगायत बाजुरामा बर्षेनि भिर बाट लडेर स्थानीय नागरिकको अकालमै ज्यान जाने गरेको छ।